ໃນວັນທີ 26 ຕຸລາ 2023 ທີ່ ໂຮງແຮມແລນມາກ (ນະຄອນຫຼວງວຽງຈັນ), ໄດ້ມີກອງປະຊຸມ ລາຍງານຜົນການປະເມີນການຈັດຕັ້ງປະຕິບັດກົດໝາຍວ່າດ້ວຍການປະກັນສັງຄົມ ແລະ ການຄົ້ນຄວ້າຮ່າງເນື້ອໃນເບື້ອງຕົ້ນ ໃນການປັບປຸງກົດໝາຍວ່າດ້ວຍການປະກັນສັງຄົມ ໂດຍການສະໜັບສະໜູນ ຂອງ ອົງການແຮງງານສາກົນ-ສ.ເກົາຫຼີ (ILO/Korea), ໃຫ້ກຽດເປັນປະທານກ່າວເປີດກອງປະຊຸມໂດຍແມ່ນ ທ່ານ ປະເດີມພອນ ສົນທະນີ ຮອງລັດຖະມົນຕີ ກະຊວງ ແຮງງານ ແລະ ສະຫວັດດີການສັງຄົມ (ຮສສ) ທັງເປັນຫົວໜ້າຄະນະຊີ້ນໍາລວມການປັບປຸງກົດໝາຍ, ມີຜູ້ບັນດາຫົວໜ້າກົມ-ຮອງກົມ, ຫົວໜ້າພະແນກ-ຮອງພະແນກ ຈາກກະຊວງ ຮສສ, ກະຊວງ ສາທາລະນະສຸກ, ກະຊວງ ຍຸຕິທຳ, ກະຊວງ ປກສ, ກະຊວງ ກປທ, ກະຊວງພາຍໃນ, ກະຊວງການເງິນ, ອົງການປະກັນສັງຄົມແຫ່ງຊາດ, ສະພາແຫ່ງຊາດ, ຫ້ອງການສໍາໜັກງານນາຍົກລັດຖະມົນຕີ, ຄະນະຈັດຕັ້ງສູນກາງພັກ, ສະພາການຄ້າແລະ ອຸດສາຫະກໍາແຫ່ງຊາດ, ສູນກາງສະຫະພັນກໍາມະບານລາວ ພ້ອມດ້ວຍວິຊາການທີ່ກ່ຽວຂ້ອງເຂົ້າຮ່ວມທັງໝົດ 43 ທ່ານ, ຍິງ 15 ທ່ານ.
 
ຈຸດປະສົງຂອງກອງປະຊຸມ ແມ່ນເພື່ອເປັນການຄົ້ນຄວ້າ ແລະ ປັບປຸງກົດໝາຍວ່າດ້ວຍການປະກັນສັງຄົມ ໂດຍຜ່ານການຖອດຖອນບົດຮຽນການຈັດຕັ້ງປະຕິບັດ, ສັງລວມຂໍ້ມູນຢູ່ຂັ້ນທ້ອງຖິ່ນ ແລະ ສູນກາງ ຍັງເຫັນວ່າ ບາງເນື້ອໃນຂອງກົດໝາຍດັ່ງກ່າວ ຍັງມີຄວາມຫຍຸ້ງຍາກໃນການຈັດຕັ້ງປະຕິບັດ ການຕີຄວາມໝາຍບໍ່ລະອຽດພໍ ການກຳນົດນະໂຍບາຍບໍ່ຈະແຈ້ງ ແລະ ຮັດກຸມເທົ່າທີ່ຄວນ,ດັ່ງນັ້ນຈຶ່ງມີຄວາມຈຳເປັນທີ່ຈະຕ້ອງໄດ້ປັບປຸງ ໃຫ້ມີເນື້ອໃນຄົບຖ້ວນ, ສອດຄ່ອງເຫມາະສົມກັບສະພາບການຂະຫຍາຍຕົວຂອງເສດຖະກິດ-ສັງຄົມ ຂອງປະເທດໃນແຕ່ລະໄລຍະ ພ້ອມທັງຮັບປະກັນຄວາມສາມາດເຊື່ອມໂຍງກັບພາກພື້ນ ແລະ ສາກົນ.
 
ກອງປະຊຸມໄດ້ຮັບຟັງການສະເໜີບົດສັງລວມການປະເມີນກົດໝາຍວ່າດ້ວຍການປະກັນສັງຄົມໂດຍທ່ານ ນາງ ແກ້ວ ຈັນທະວິໄຊ ຫົວໜ້າ ອົງການປະກັນສັງຄົມແຫ່ງຊາດ ທັງເປັນຮອງຫົວໜ້າຄະນະຊີ້ນໍາລວມການປັບປຸງກົດໝາຍ.
ພາຍໃນກອງປະຊຸມ ໄດ້ມີການປະກອບຄໍາຄິດຄໍາເຫັນຢ່າງກົງໄປກົງມາຂອງບັນດາຜູ້ເຂົ້າຮ່ວມ, ເຊິ່ງປະທານກອງປະຊຸມກໍ່ໄດ້ຕີລາຄາສູງພ້ອມທັງຮັບເອົາທຸກຄໍາຄິດເຫັນ ເພື່ອປະກອບເປັນຂໍ້ມູນໃຫ້ແກ່ຄະນະປັບປຸງກົດໝາຍ ເຂົ້າໃນການຄົ້ນຄ້ວາ ແລະ ປັບປຸງກົດໝາຍສະບັບດັ່ງກ່າວໃຫ້ມີເນື້ອໃນສົມບູນຍິ່ງຂື້ນ.

 

Array
(
    [type] => 2
    [message] => syntax error, unexpected '(' in /home/ssolaogo/public_html/language/lo-LA/lo-LA.lib_joomla.ini on line 243

    [file] => /home/ssolaogo/public_html/libraries/src/Language/LanguageHelper.php
    [line] => 464
)