ໃນວັນທີ 08/09/2025 ຫ້ອງການປະກັນສັງຄົມແຂວງອັດຕະປື ສົມທົບກັບພະແນກແຮງງານ ແລະ ສະຫວັດດີການສັງຄົມແຂວງ ໄດ້ເປີດກອງປະຊູມເຜີຍແຜ່ວຽກງານປະກັນສັງຄົມ ແລະ ບັນດານິຕິກຳຕ່າງໆ ໃຫ້ພະນັກງານ-ລັດຖະກອນ ພາຍໃນເມືອງສະໜາມໄຊ ແຂວງອັດຕະປື, ໃຫ້ກຽດເປັນປະທານໂດຍທ່ານ ລືໄຊ ວຽງພະຈັນ ຮອງເລຂາພັກເມືອງ, ຮອງປະທານປົກຄອງເມືອງສະໜາມໄຊ. ຂື້ນເຜີຍແຜ່ກົດໝາຍວ່າດ້ວຍການປະກັນສັງຄົມສະບັບເລກທີ 54/ສພຊ ໂດຍທ່ານ ບຸນຄໍ້າ ລັດຕະນະວິຈິດ ຫົວໜ້າຫ້ອງການປະກັນສັງຄົມແຂວງອັດຕະປື, ມີພະນັກງານ-ລັດຖະກອນ ຢູ່ ບັນດາຫ້ອງການພາຍໃນເມືອງສະໜາມໄຊ ແລະ ແຂກຖືກຊີນເຂົ້າຮ່ວມທັງໝົດ 114 ຄົນ, ຍິງ 41 ຄົນ.