ໃນວັນທີ 26/6/25 ຫ້ອງການປະກັນສັງຄົມແຂວງວຽງຈັນ ໄດ້ຈັດກອງປະຊຸມເຜີຍແຜ່ກົດໝາຍວ່າດ້ວຍການປະກັນສັງຄົມໃຫ້ບັນດາຫ້ອງການ, ບໍລິສັດ ແລະ ບ້ານ ອ້ອມຂ້າງເທດສະບານເມືອງ ທີ່ ຫ້ອງວ່າການເມືອງຊະນະຄາມ, ໃຫ້ກຽດເປັນປະທານຮ່ວມໂດຍທ່ານ ແສງຈັນ ໄຊຜາສຸກ ເລຂາພັກເມືອງຮອງເຈົ້າເມືອງ ເມືອງຊະນະຄາມ ແລະ ທ່ານ ບົວສີ ລິນວົງສັກ ຫົວໜ້າຫ້ອງການປະກັນສັງຄົມແຂວງວຽງຈັນ, ມີພະນັກງານລັດຖະກອນ, ປກຊ, ປກສ, ພະນັກງານວິສາຫະກິດ ແລະ ອໍານາດການປົກຄອງບ້ານ ເຂົ້າຮ່ວມທັງໝົດ 105 ຄົນ, ຍິງ 40 ຄົນ.