ວັນທີ 08/05/2026 ຫ້ອງການປະກັນສັງຄົມແຂວງຄໍາມ່ວນ ຮ່ວມກັບ ກໍາມະບານແຂວງຄໍາມ່ວນ ໄດ້ລົງໂຄສະນາເຜີຍແຜ່ກົດໝາຍວ່າດ້ວຍການປະກັນສັງຄົມ ແລະ ຂື້ນທະບຽນແບບເຄື່ອນທີ່ ໃຫ້ຄະນະກຸ່ມ, ສະມາຊິກປູກຜັກສະອາດເປັນສິນຄ້າ ຢູ່ ບ້ານໂຄກສະຫວ່າງ ໂດຍການເປັນປະທານ ຮ່ວມຂອງ ທ່ານ ນາງ ອາລີ ບົວຈູມ ກຳມະການພັກແຂວງ, ຄະນະບໍລິຫານງານສະຫະພັນກຳມະບານລາວ, ປະທານຄະນະບໍລິຫານງານສະຫະພັນກຳມະບານແຂວງຄໍາມ່ວນ ແລະ ທ່ານ ນາງ ບຸນຕາ ບຸດສີດາ ຮອງເລຂາພັກເມືອງ, ຜູ້ຊີ້ນໍາວຽກພັກພະນັກງານ, ຫົວໜ້າຄະນະຈັດຕັ້ງ ເມືອງຍົມມະລາດ, ມີຜູ້ເຂົ້າຮ່ວມຮັບຟັງທັງໝົດ 42 ທ່ານ, ຍິງ 24 ທ່ານ, ໄດ້ຂື້ນທະບຽນຜູ້ປະກັນຕົນສະໝັກໃຈໃໝ່ 22 ທ່ານ, ຍິງ 13 ທ່ານ.