ຊອກຜູ້ເກີດສິດ

ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 22/11/2021 ເວລາ 10:10

ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 22/11/2021 ເວລາ 13:20

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໃນໂມງການ)

ແຜ່ນພັບ


English Version
ພາກວິສາຫະກິດ
ພາກລັດຖະກອນ
ແຜ່ນພັບພາກສະໝັກໃຈ

ກອງປະຊຸມສໍາມະນາການເຂົ້າເຖິງປະກັນສັງຄົມຂອງແຮງງານນອກລະບົບ ທີີ່ ໂຮງແຮມດອນຈັນພາເລດ.

altກອງປະຊຸມສໍາມະນາ ການເຂົ້າເຖິງການປະກັນສັງຄົມຂອງແຮງງານນອກລະບົບ ພາຍໃຕ້ການສະໜັບສະໜູນຂອງອົງການອ໋ອກຟາມ ໄດ້ມີຂື້ນໃນຕອນເຊົ້າຂອງວັນທີ 27 ສິງຫາ 2021 ທີ່ໂຮງແຮມດອນຈັນພາເລດ ນະຄອນຫຼວງວຽງຈັນ

ໃຫ້ກຽດເປັນປະທານຮ່ວມໂດຍທ່ານ ປະເດີມພອນ ສົນທະນີ ຮອງລັດຖະມົນຕີ ກະຊວງ ແຮງງານແລະສະຫວັດດີການສັງຄົມ, ມີທ່ານ ວິໄລ ວົງຂະເສີມ ຮອງປະທານສູນກາງສະຫະພັນກໍາມະບານລາວ ແລະ ທ່ານ ນາງ ແຄັດເທີຣີນ ລິດຊາດ ຜູ້ອໍານວຍການຂອງອົງການອ໋ອກຟາມ ປະຈໍາພາກພື້ນ ລາວ ຫວຽດນາມ ແລະ ກໍາປູເຈຍ, ເຂົ້າຮ່ວມມີຜູ້ຕາງໜ້າຈາກສະພາການຄ້າແລະອຸດສະຫະກໍາແຫ່ງຊາດ, ສູນກາງສະຫະພັນກໍາມະບານລາວ, ອົງການປະກັນສັງຄົມ, ກົມແຜນການແລະການຮ່ວມມື ກະຊວງ ຮສສ,  ຫ້ອງການປະກັນສຸຂະພາບແຫ່ງຊາດ, ສະມາຄົມສົ່ງເສີມແຮງງານນອກລະບົບ, ບັນດາອົງຈັດຕັ້ງສາກົນ, ອົງກອນຄູ່ຮ່ວມງານ, ກໍາມະບານແຂວງ ແລະ ຕາງໜ້າຜູ້ອອກແຮງງນຢູ່ 13 ແຂວງ ເຂົ້າຮ່ວມກອງປະຊຸມຜ່ານລະບົບຊູມ (Zoom) ພ້ອມດ້ວຍແຂກຖືກເຊີນເຂົ້າຮ່ວມຢ່າງພ້ອມພຽງ. 

ຈຸດປະສົງຂອງກອງປະຊຸມສໍາມະນາໃນຄັ້ງນີ້ ກໍ່ເພື່ອຮັບຟັງການລາຍງານຜົນຂອງການສໍາຫຼວດກ່ຽວກັບບັນດາຂໍ້ຈໍາກັດຂອງຜູ້ອອກແຮງງານນອກລະບົບ ກໍ່ຄື ຜູ້ປະກອບອາຊີບອິດສະລະ ໃນການເຂົ້າເຖິງລະບົບປະກັນສັງຄົມ ໂດຍການລາຍງານຂອງທ່ານ ຄໍາພີ ຄໍາມະວົງ ຫົວໜ້າແຜນງານການພັດທະນາ ແລະ ບົດບາດຍິງ-ຊາຍ ຂອງອົງການອ໋ອກຟາມ ປະຈໍາລາວ, ເຊິ່ງທ່ານໄດ້ສະແດງໃຫ້ເຫັນຜົນຂອງການສໍາຫຼວດທີ່ເປັນສິ່ງທ້າທາຍຫຼາຍດ້ານ ເຊັ່ນ: ບັນຫາທາງດ້ານລາຍໄດ້ທີ່ບໍ່ແນ່ນອນຂອງແຮງງານນອກລະບົບ ທີ່ເປັນອຸປະສັກສໍາຄັນໃນການເຂົ້າເຖິງປະກັນສັງຄົມ, ບັນຫາອັດຕາເງິນສົມທົບ, ໜ່ວຍງານໃຫ້ບໍລິການຂື້ນທະບຽນສໍາລັບຜູ້ທີ່ຢູ່ຫ່າງໄກຈາກຕົວເມືອງ, ການໃຫ້ບໍລິການດ້ານສາທາລະນະສຸກ, ການສ້າງຄວາມເຂົ້າໃຈແກ່ສັງຄົມ ແລະອື່ນໆ. ນອກນັ້ນ ກອງປະຊູມຍັງໄດ້ມີເວທີການສົນທະນາແລກປ່ຽນຮ່ວມກັບຜູ້ຕາງໜ້າຈາກພາກສ່ວນຕ່າງໆ ເຊັ່ນ: ສະພາການຄ້າແລະອຸດສະຫະກໍາແຫ່ງຊາດ, ສູນກາງສະຫະພັນກໍາມະບານລາວ, ອົງການປະກັນສັງຄົມແຫ່ງຊາດ, ກົມແຜນການແລະການຮ່ວມມື ຂອງ ກະຊວງ ຮສສ, ຫ້ອງການປະກັນສຸຂະພາບແຫ່ງຊາດ ແລະ ສະມາຄົມສົ່ງເສີມແຮງງານນອກລະບົບ ໃນການເຄື່ອນໄຫວແບບມີສ່ວນຮ່ວມຕາມສິດແລະພາລະບົດບາດຂອງຕົນ ຄຽງຄູ່ກັບແຜນຍຸດທະສາດ 5 ປີ ຂອງກະຊວງແຮງງານແລະສະຫວັດດດີການສັງຄົມ, ສືບຕໍ່ການຂະຫຍາຍຕາໜ່າງການໃຫ້ບໍລິການວຽກງານປະກັນສັງຄົມລົງໄປສູ່ຂັ້ນເມືອງເພື່ອອໍານວຍຄວາມສະດວກແກ່ສະມາຊິກ, ການຮັບເອົາຫາງສຽງຂອງສັງຄົມເພື່ອມາປັບປຸງວຽກງານຕ່າງໆຕິດພັນ ແລະ ວຽກງານປົກປ້ອງທາງສັງຄົມ, ການຈັດຕັ້ງກຸ່ມຜະລິດແລະການບໍລິການ ເພື່ອສ້າງຄວາມເຂັ້ມແຂງທາງດ້ານອາຊີບທີ່ໝັ້ນຄົງ ທີ່ຈະນໍາໄປສູ່ການເຂົ້າເຖິງການປະກັນສັງຄົມໃນຕໍ່ໜ້າ, ການເພີ່ມທະວີວຽກງານໂຄສະນາປະຊາສໍາພັນດ້ວຍຫຼາຍຮູບການເພື່ອສ້າງຄວາມເຂົ້າໃຈແກ່ສັງຄົມໃຫ້ນັບມື້ນັບຫຼາຍຂື້ນ ແລະອື່ນໆ. ກອງປະຊຸມໄດ້ມີການສົນທະນາແລກປ່ຽນໃນແຕ່ລະບັນຫາຢ່າງກົງໄປກົງມາດ້ວຍຄວາມເປັນເຈົ້າການ ແນ່ໃສ່ການວິເຄາະລົງເລິກບັນຫາສໍາຄັນຕ່າງໆຢ່າງຖືກຕ້ອງ ເໝາະສົມ ເພື່ອເປັນແນວທາງໃນການຈັດຕັ້ງປະຕິບັດແລະປັບປຸງວຽກງານທີ່ກ່ຽວຂ້ອງຢ່າງມີປະສິດທິພາບ ໂດຍການມີສ່ວນຮ່ວມຂອງທຸກຝ່າຍ. ໃນໂອກາດດຽວກັນ, ຄະນະປະທານໄດ້ສະແດງຄໍາຄິດຄໍາເຫັນ ແລະ ຕີລາຄາສູງຕໍ່ກອງປະຊຸມສໍາມະນາໃນຄັ້ງນີ້, ພ້ອມທັງໄດ້ຮຽກຮ້ອງໃຫ້ທຸກພາກສ່ວນ ຈົ່ງພ້ອມກັນສືບຕໍ່ຮັກສາການປະສານງານທີ່ດີຮ່ວມກັນຢ່າງເປັນປົກກະຕິ ເພື່ອເຮັດໃຫ້ວຽກງານສົ່ງເສີມແຮງງານນອກລະບົບໄດ້ຮັບການປັບປຸງຢ່າງບໍ່ຢຸດຢັ້ງ ເວົ້າລວມ ເວົ້າສະເພາະກໍ່ຄື ການສ້າງອາຊີບທີ່ໝັ້ນຄົງພາຍໃນຄອບຄົວແລະຊຸມຊົນ ໃຫ້ມີລາຍໄດ້ເປັນປົກກະຕິ ແລະ ສາມາດເຂົ້າເຖິງການຄຸ້ມຄອງທາງດ້ານສະຫວັດດີການຂັ້ນພື້ນຖານ ນັບແຕ່ການປິ່ນປົວສຸຂະພາບ, ອອກລູກ, ປ່ວຍການ, ເສຍກໍາລັງແຮງງານ, ບໍານານ, ເສຍຊີວິດ ແລະ ອຸດໜູນສະມາຊິກຄອບຄົວ ລວມໄປເຖິງວຽກງານປົກປ້ອງທາງສັງຄົມຕ່າງໆ ຕາມແນວທາງນະໂຍບາຍຂອງພັກແລະລັດຖະບານ. ກອງປະຊຸມສໍາມະນາການເຂົ້າເຖິງການປະກັນສັງຄົມຂອງແຮງງານນອກລະບົບ ໄດ້ດໍາເນີນໄປດ້ວຍຜົນສໍາເລັດໃນຕອນເຊົ້າຂອງມື້ດຽວກັນ.


ພາບ-ຂ່າວໂດຍ: ພະແນກໂຄສະນາ-ປະຊາສໍາພັນ