ຊອກຜູ້ເກີດສິດ

ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 22/11/2021 ເວລາ 10:10

ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 22/11/2021 ເວລາ 13:20

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໃນໂມງການ)

ແຜ່ນພັບ


English Version
ພາກວິສາຫະກິດ
ພາກລັດຖະກອນ
ແຜ່ນພັບພາກສະໝັກໃຈ

ພິທີເລື່ອນສະມາຊິກພັກສໍາຮອງຂື້ນເປັນສະມາຊິກພັກສົມບູນ ຂອງພັກປະຊາຊົນປະຕິວັດລາວ.

altໃນຕອນເຊົ້າຂອງວັນທີ 20 ສິງຫາ 2021 ທີ່ຫ້ອງປະຊຸມໃຫຍ່ຂອງອົງການປະກັນສັງຄົມແຫ່ງຊາດ ໄດ້ມີກອງປະຊຸມສ່ອງແສງລາຍງານດໍາເນີນຊີວິດໜ່ວຍພັກຂອງຕົນຂື້ນ ໂດຍການເປັນປະທານຂອງສະຫາຍ ນ ແກ້ວ ຈັນທະວີໄຊ ກໍາມະການພັກກະຊວງ
ເລຂາໜ່ວຍພັກ ອປຊ ຫົວໜ້າອົງການປະກັນສັງຄົມແຫ່ງຊາດ ມີຮອງເລຂາໜ່ວຍພັກ, ສະມາຊິກພັກສົມບູນ ສະມາຊິກພັກສໍາຮອງເຂົ້າຮ່ວມ, ຈຸດປະສົງຂອງກອງປະຊຸມສ່ອງແສງໃນຄັ້ງນີ້ ກໍ່ເພື່ອເປັນການຮັບຟັງການລາຍງານຜົນຂອງກອງປະຊຸມເຊື່ອມຊຶມບັນດາເອກະສານສຳຄັນຂອງຊາດ ແລະ ກົດລະບຽບຂອງພັກປະຊາຊົນປະຕິວັດລາວສະໄໝທີ XI ທີ່ຈັດຂື້ນໂດຍກະຊວງ ຮສສ ພາຍໃຕ້ການເປັນປະທານຂອງ ສະຫາຍ ນ. ໃບຄຳ ຂັດທິຍະ ເລຂາຄະນະພັກ, ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໃນການເຊື່ອມຊຶມມະຕິຂອງກົມການເມືອງສູນກາງພັກວ່າດວ້ຍການຍົກສູງຄຸນນະພາບວຽກງານການເມືອງໃນໄລຍະໃໝ່ ສະບັບເລກທີ 206/ກມສພ, ລົງວັນທີ 7/12/2020 ແລະ ຄໍາສັ່ງເລທີ 01/ກມສພ, ລົງວັນທີ 26 ກໍລະກົດ 2021 ວ່າດ້ວຍການເພີ່ມທະວີການນໍາພາ-ຊີ້ນໍາຂອງຄະນະພັກແຕ່ລະຂັ້ນ ໃນການຈັດຕັ້ງປະຕິບັດມາດຕະການແກ້ໄຂຄວາມທຸກຍາກດ້ານເສດຖະກິດ-ການເງິນ ເຊິ່ງຖືເປັນວາລະແຫ່ງຊາດຂອງລັດຖະບານ, ໃນໂອກາດດັ່ງກ່າວ ສະຫາຍ ເລຂາໜ່ວຍພັກ ອປຊ ຍັງໄດ້ຮຽກຮ້ອງໃຫ້ສະມາຊິກພັກແຕ່ລະສະຫາຍຈົ່ງພ້ອມກັນເປັນເຈົ້າການ ເພີ່ມທະວີຄວາມເອົາໃຈໃສ່ຕໍ່ສິດໜ້າທີ່ແລະຄວາມຮັບຜິດຊອບພາຍຂອງຕົນແລະພາຍໃນພັກ, ສືບຕໍ່ສຶກສາຄົ້ນຄວ້າກົດລະບຽບຂອງພັກປະຊາຊົນປະຕິວັດລາວສະໄໝທີ XI ຢ່າງເລິກເຊິ່ງ ແລະ ຜັນຂະຫຍາຍຢ່າງຖືກຕ້ອງ ເປັນຕົ້ນແມ່ນ 7 ໜ້າທີ່, 11 ສິດ ແລະ 11 ຂໍ້ຫ້າມສໍາລັບສະມາຊິກພັກ ແລະບັນຫາສໍາຄັນອື່ນໆ ລວມໄປເຖິງບັນດາຂໍ້ກໍານົດທີ່ໄດ້ຮັບການປັບປຸງໃໝ່, ພ້ອມດຽວກັນນັ້ນ ກອງປະຊຸມຍັງໄດ້ມີການລາຍງານການຈັດຕັ້ງປະຕິບັດວຽກງານວິຊາການຂອງບັນດາພະແນກການໃນໄລຍະທີ່ຜ່ານມາ ເພື່ອນໍາໄປສູ່ການປັງປຸງວຽກງານຕ່າງໆໃຫ້ມີຄວາມຄ່ອງຕົວ ວ່ອງໄວ ໂປ່ງໃສ ແລະ ສ້າງຄວາມເພິ່ງພໍໃຈແກ່ສັງຄົມນັບມື້ນັບຫຼາຍຂື້ນ.
ໃນໂອກາດດຽວກັນ ອົງການປະກັນສັງຄົມແຫ່ງຊາດ ໄດ້ຈັດພິທີເລື່ອນສະມາຊິກພັກສໍາຮອງ ຈໍານວນ 11 ສະຫາຍ ຂື້ນເປັນສະມາຊິກພັກສົມບູນຂອງພັກປະຊາຊົນປະຕິວັດລາວ, ໃຫ້ກຽດເປັນປະທານໂດຍສະຫາຍ ນາງ ແກ້ວ ຈັນທະວີໄຊ ກໍາມະການພັກກະຊວງ ເລຂາໜ່ວຍພັກ ອປຊ ຫົວໜ້າອົງການປະກັນສັງຄົມແຫ່ງຊາດ, ມີສະຫາຍ ນາງ ໄກສອນ ອ້ວນຄໍາປັນຍາ ຄະນະໜ່ວຍພັກ ຮອງກົມກວດກາ, ສະຫາຍ ຈັນສຸກ ວົງສາຫາລາດ ຫົວໜ້າພະແນກກໍ່ສ້າງແລະອົງການຈັດຕັ້ງມະຫາຊົນ ກົມຈັດຕັ້ງພະນັກງານ ກະຊວງ ຮສສ, ມີຮອງເລຂາໜ່ວຍພັກ, ບັນດາສະຫາຍສະມາຊິກພັກສົມບູນ ແລະ ສະມາຊິກພັກສໍາຮອງ ເຂົ້າຮ່ວມຢ່າງພ້ອມພຽງ.
ໃນພິທີ ຕາງໜ້າໜ່ວຍພັກ ໄດ້ຂື້ນຜ່ານມະຕິຕົກລົງສະບັບເລກທີ 0280/ຄພ.ຮສສ, ລົງວັນທີ 05 ສິງຫາ 2021 ວ່າດ້ວຍການເລື່ອນສະມາຊິກພັກສໍາຮອງ ຂື້ນເປັນສະມາຊິກພັກສົມບູນຂອງພັກປະຊາຊົນປະຕິວັດລາວ ຈໍານວນ 11 ສະຫາຍ ມີລາຍຊື່ດັ່ງນີ້: 1) ສະຫາຍ ນາງ ພອນສະຫວັນ ທໍາມະວົງແກ້ວ, 2) ສະຫາຍ ນາງ ຄຸດທະວັນ ອັກຄະຣາດ, 3) ສະຫາຍ ນາງ ຕຸ່ນ ປັນຍາໄຊ 4) ສະຫາຍ ປາລະມີ ລີຈາ 5) ສະຫາຍ ນາງ ສົມບັດ ສອນວິລັດ 6) ສະຫາຍ ນາງ ຄໍາພູມີ ສຸລິນພູມີ, 7) ສະຫາຍ ນາງ ສິນ ຫົງພັນ 8) ສະຫາຍ ເດດມີໄຊ ວັນນາຈັກ 9) ສະຫາຍ ນາງ ອຸດຕະມະ ມິດທະສອນ, 10) ສະຫາຍ ຢ່າງດາວ 11) ສະຫາຍ ນາງ ດາວຜາສຸກ ວໍລະສິງ. ເຊິ່ງປັດຈຸບັນ ອປຊ ມີສະມາຊິກພັກລວມທັງໝົດ 49 ສະຫາຍ, ເປັນຍິງ 33 ສະຫາຍ.
ຈາກນັ້ນ ສະຫາຍ ນາງ ແກ້ວ ຈັນທະວີໄຊ ເລຂາໜ່ວຍພັກ ອປຊ ໄດ້ໃຫ້ການໂອ້ລົມເພື່ອເປັນທິດເຍືອງທາງແກ່ສະມາຊິກພັກສົມບູນໃໝ່, ສະຫາຍ ກ່າວວ່າ: ການເລື່ອນສະມາຊິກພັກສໍາຮອງ ຂື້ນເປັນສະມາຊິກພັກສົມບູນໃໝ່ ໃນຄັ້ງນີ້ ແມ່ນໄດ້ສະແດງໃຫ້ເຫັນເຖິງການເຕີບໃຫຍ່ຂະຫຍາຍຕົວຂອງໜ່ວຍພັກ ອປຊ ທີ່ຈະເປັນກໍາລັງແຮງສໍາຄັນໃນການສືບຕໍ່ຈັດຕັ້ງປະຕິບັດໜ້າທີ່ວຽກງານຕ່າງໆຂອງພັກແລະລັດຖະບານໃຫ້ບັນລຸເປົ້າໝາຍ, ເຊິ່ງທຸກສະຫາຍແມ່ນຜ່ານການປະເມີນ ຕິດຕາມ ແລະ ແລະ ການເຫັນດີເປັນເອກະພາບພາຍໃນໜ່ວຍພັກ ໂດຍອີງໃສ່ມາດຖານເງື່ອນໄຂ ຕາມກົດລະບຽບທີ່ພັກປະຊາຊົນປະຕິວັດລາວວາງອອກຢ່າງເຂັ້ມງວດ; ນອກນັ້ນ ສະຫາຍ ເລຂາໜ່ວຍພັກ ອປຊ ຍັງໄດ້ຮຽກຮ້ອງໃຫ້ສະມາຊິກພັກສົມບູນໃໝ່ ແລະ ສະມາຊິກພັກທັງໝົດ ຈົ່ງພ້ອມກັນເອົາໃຈໃສ່ໃນການປະຕິບັດແນວທາງແຜນນະໂຍບາຍຂອງພັກ, ເຄົາລົບລະບຽບຂອງພັກ, ກົດໝາຍແລະລະບຽບຂອງລັດ, ສືບຕໍ່ຝຶກຝົນລໍ່ຫຼອມຕົນເອງໃຫ້ມີທັດສະນະຫຼັກໝັ້ນການເມືອງໜັກແໜ້ນ ປະຕິບັດມະຕິຄໍາສັ່ງຢ່າງເຂັ້ມງວດ, ມີແບບແຜນວິທີເຮັດວຽກ ມີການວາງແຜນ ຕິດຕາມກວດກາ ສະຫຼຸບລາຍງານ ປະຕິບັດຫຼັກການລວມສູນປະຊາທິປະໄຕ ນໍາພາເປັນໝູ່ຄະນະບຸກຄົນຮັບຜິດຊອບ, ເອົາໃຈໃສ່ວຽກງານວິຊາສະເພາະດ້ວຍຄວາມຮັບຜິດຊອບ ເຂົ້າໃຈຈຸດຢືນ ທັດສະນະ ແລະ ບົດບາດຂອງຕົນ, ເພີ່ມທະວີຄວາມຮັບຜິດຊອບໃຫ້ແທດເໝາະກັບສະພາບການ ແລະ ຄວາມຮຽກຮ້ອງຕ້ອງການຂອງວຽກງານ, ມີຄວາມສາມັກຄີພາຍໃນ ແລະ ພາຍນອກ ມີທັດສະນະມະຫາຊົນຢ່າງຖືກຕ້ອງເໝາະສົມ, ສືບຕໍ່ຄົ້ນຄວ້າຮໍ່າຮຽນ ຍົກລະດັບຄວາມຮູ້ຄວາມສາມາດ, ຕັ້ງໜ້າປະກອບສ່ວນໃນການກໍ່ສ້າງເພື່ອໃຫ້ພັກປອດໃສເຂັ້ມແຂງແລະໜັກແໜ້ນ ຢ່າງບໍ່ຢຸດຢັ້ງ, ເອົາໃຈໃສ່ສຶກສາຄົ້ນຄວ້າເພື່ອຄວາມເຂົ້າໃຈໃນການຈັດຕັ້ງປະຕິບັດຢ່າງຖືກຕ້ອງ ກ່ຽວກັບລະບຽບຂອງພັກປະຊາຊົນປະຕິວັດລາວ ໂດຍສະເພາະສິດໜ້າທີ່ ແລະບັນດາຂໍ້ຫ້າມຕ່າງໆ ດ້ວຍຄວາມເປັນເຈົ້າການ.
ຈາກນັ້ນ, ຕາງໜ້າສະມາຊິກພັກສົມບູນໃໝ່ ກໍ່ໄດ້ຂື້ນຮັບຄໍາໂອວາດຂອງສະຫາຍ ເລຂາໜ່ວຍພັກ ອົງການປະກັນສັງຄົມ ແຫ່ງຊາດ ພ້ອມທັງກ່າວປະຕິຍານຕົນໃນໂອກາດດັ່ງກ່າວ. ກອງປະຊຸມສ່ອງແສງດໍາເນີນຊີວິດໜ່ວຍພັກ ອປຊ ແລະ ພິທີເລື່ອນສະມາຊິກພັກສໍາຮອງ ຂື້ນເປັນສະມາຊິກພັກສົມບູນຂອງພັກປະຊາຊົນປະຕິວັດລາວ ໄດ້ສໍາເລັດລົງຕອນເຊົ້າຂອງມື້ດຽວກັນ.
ພາບ-ຂ່າວໂດຍ: ພະແນກໂຄສະນາ-ປະຊາສໍາພັນ