ຊອກຜູ້ເກີດສິດ

ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 22/11/2021 ເວລາ 10:10

ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 22/11/2021 ເວລາ 13:20

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໃນໂມງການ)

ແຜ່ນພັບ


English Version
ພາກວິສາຫະກິດ
ພາກລັດຖະກອນ
ແຜ່ນພັບພາກສະໝັກໃຈ

ສໍາເລັດກອງປະຊຸມສະພາບໍລິຫານ ຂອງ ອົງການປະກັນສັງຄົມແຫ່ງຊາດ ຄັ້ງທີ III.

altໃນຕອນເຊົ້າຂອງວັນທີ 09 ກໍລະກົດ 2021 ທີ່ ອົງການປະກັນສັງຄົມແຫ່ງຊາດ ໄດ້ມີກອງປະຊຸມສະພາບໍລິຫານຄັ້ງທີ III ຂອງຕົນຂື້ນ ໂດຍການເປັນປະທານຂອງທ່ານນາງ ໃບຄໍາ ຂັດທິຍະ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ

ທັງເປັນປະທານສະພາບໍລິຫານຂອງອົງການປະກັນສັງຄົມແຫ່ງຊາດ, ມີຮອງປະທານສະພາບໍລິຫານ, ຄະນະກໍາມະການ, ຄະນະອົງການປະກັນສັງຄົມແຫ່ງຊາດ ແລະ ພະແນກການທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ.

ຈຸດປະສົງຂອງກອງປະຊຸມໃນຄັ້ງນີ້ ກໍ່ເພື່ອເປັນການສະຫຼຸບຕີລາຄາຜົນຂອງການຈັດຕັ້ງປະຕິບັດວຽກງານຂອງອົງການປະກັນສັງຄົມແຫ່ງຊາດໃນໄລຍະຕົ້ນປີທີ່ຜ່ານມາ, ໂດຍແນໃສ່ວຽກງານພົ້ນເດັ່ນທີ່ຍາດມາໄດ້ ແລະ ບາງວຽກງານທີ່ຍັງຄົງຄ້າງທີ່ຈະຕ້ອງພ້ອມກັນປຶກສາຫາລື ເພື່ອຈັດຕັ້ງປະຕິບັດວຽກງານດັ່ງກ່າວໃຫ້ມີຜົນສໍາເລັດຕາມລະດັບຄາດໝາຍ. ພາຍໃນກອງປະຊຸມ ໄດ້ຮັບຟັງການລາຍງານບົດສະຫຼຸບການຈັດຕັ້ງປະຕິບັດວຽກງານປະກັນສັງຄົມປະຈໍາງວດ I (01-03/2021) ແລະທິດທາງແຜນການປະຈໍາງວດ II (04-06/2021) ໂດຍທ່ານ ບຸນຍອດ ຈັນທະວອນ ຮອງຫົວໜ້າອົງການປະກັນສັງຄົມແຫ່ງຊາດ, ເຊິ່ງທ່ານໃຫ້ຮູ້ວ່າ ອປຊ ສາມາດຍາດມາໄດ້ຜົນສໍາເລັດວຽກງານຈຸດສຸມຫຼາຍດ້ານ ເຊັ່ນ ການຈັດຕັ້ງປະຕິບັດໂຄງການອຸດໜູນໄລຍະສັ້ນແກ່ຜູ້ປະກັນຕົນໃນໂຮງງານຕັດຫຍິບໂດຍການຊ່ວຍເຫຼືອຈາກລັດຖະບານເຍຍລະມັນຜ່ານອົງການແຮງງານສາກົນ ຫຼື ILO ຊຶ່ງມີບັນດາໂຮງງານທີ່ນອນໃນເປົ້າໝາຍເບື້ອງຕົນທັງໝົົດ 36 ໂຮງງານ ມີຜູ້ອອກແຮງງານທີ່ເກີດສິດ 15.370 ຄົນ ເປັນເງິນເບີກຈ່າຍທັງໝົດ 13.83 ຕື້ກວ່າກີບ. ໄດ້ສົມທົບກັບກະຊວງປ້ອງກັນປະເທດ ແລະ ກະຊວງປ້ອງກັນຄວາມສະຫງົບ ເພື່ອສືບຕໍ່ແລະຄິດໄລ່ເງິນອຸດໜູນບໍານານ ແລະ ອຸດໜູນເສຍອົງຄະປະຈໍາງວດ I, ສໍາເລັດການຈັດກອງປະຊຸມຖອດຖອນບົດຮຽນກ່ຽວກັບວຽກງານປະກັນສັງຄົມທົ່ວປະເທດປະຈໍາປີ 2020, ສໍາເລັດການສ້າງກິດຈະກໍາລົງຊຸກຍູ້ວຽກງານໂຄສະນາປະຊາສໍາພັນ ເພື່ອສ້າງຄວາມເຂັ້ມແຂງໃຫ້ບັນດາຫ້ອງການປະກັນສັງຄົມແຂວງ ຈໍານວນ 2 ຄັ້ງ, ສໍາເລັດການສໍາຫຼວດ ແລະ ອອກແບບປື້ມຄູ່ມືການພັດທະນາລະບົບຫ້ອງການທັນສະໄໝ E-office ເພື່ອຮອງຮັບໃຫ້ແກ່ການພັດທະນາລະບົບ ແລະ ສາມາດເຊື່ອງໂຍງກັບລະບົບລວມຂອງໄປສະນີລາວ; ສໍາເລັດການເຊັນສັນຍາຮ່ວມກັບບໍລະສັດລາວໂມບາຍມັນນີກ່ຽວກັບການສະໜອງບໍລິການເງິນອຸດໜູນປະກັນສັງຄົມຜ່ານການບໍລິການຂອງລະບົບການເງິນດິຈິຕອນ M-money; ນອກນັ້ນ ຍັງໄດ້ດໍາເນີນການກວດສອບການຈັດຕັ້ງປະຕິບັດວຽກງານຂອງອົງການປະກັນສັງຄົມແຫ່ງຊາດຢູ່ສູນກາງແລະຫ້ອງການປະກັນສັງຄົມຂັ້ນທ້ອງຖິ່ນໄດ້ 12 ແຂວງ ແລະອື່ນໆ. ສຳລັບວຽກງານປິ່ນອ້ອມ ອປຊ ແມ່ນໄດ້ສືບຕໍ່ລົງປະຊາສໍາພັນໃຫ້ບັນດາອົງການຈັດຕັ້ງລັດ, ຫົວໜ່ວຍວິສາຫະກິດໃນຂອບເຂດທົ່ວປະເທດ ລວມທັງພາກສະໝັກໃຈໄດ້ທັງໝົດ 145 ຄັ້ງ ເທົ່າກັບ 17,7 % ຂອງແຜນການປີ ໃນນັ້ນສໍາໜັກງານໃຫຍ່ 40 ຄັ້ງ ແລະ ທ້ອງຖິ່ນ 105 ຄັ້ງ; ໄດ້ສືບຕໍ່ປະຊາສໍາພັນທາງສື່ມວນຊົນຂະແໜງການຕ່າງໆ ຕາມເນື້ອໃນກົດໝາຍວ່າດ້ວຍການປະກັນສັງຄົມ ໃຫ້ແກ່ບັນດາກຸ່ມເປົ້າໝາຍໄດ້ເຂົ້າໃຈຢ່າງຖືືກຕ້ອງ ໂດຍສະເພາະແມ່ນສິດຜົນປະໂຫຍດທີ່ຈະໄດ້ຮັບຈາກການເຂົ້າເປັນສະມາຊິກປະກັນສັງຄົມ, ຊຶ່ງໃນງວດ I ປີ 2021 ສາມາດຂຶ້ນທະບຽນໃຫ້ກັບຫົວໜ່ວຍແຮງງານວິສາຫະກິດໃໝ່ 69 ຫົວໜ່ວຍ ເທົ່າກັບ 19,71% ຂອງແຜນການປີ ຂື້ນທະບຽນຜູ້ປະກັນຕົນໃໝ່ໄດ້ທັງໝົດ 9.765 ຄົນ ເທົ່າກັບ 29,59% ໃນນີ້ ຂື້ນທະບຽນພະນັກງານລັດຖະກອນໃໝ່ 762 ຄົນ ເທົ່າກັບ 50,8%, ພາກວິສາຫະກິດໄດ້ 7.936 ຄົນ ເທົ່າກັບ 29,39% ແລະ ພາກສະໝັກໃຈໃໝ່ 1.067 ຄົນ ເທົ່າກັບ 36,56% ຂອງແຜນການປີ. ມີຜູ້ປະກັນຕົນ ທີ່ໄດ້ຈ່າຍເງິນສົມທົບທັງໝົດ 317.565 ຄົນ (ບໍ່ລວມພາກສ່ວນ ປກຊ, ປກສ); ໃນນີ້ ມີຜູ້ປະກັນຕົນພາກລັດ 179.916 ຄົນ, ພາກວິສາຫະກິດ 124.288 ຄົນ, ຜູ້ສະໝັກໃຈ 13.361 ຄົນ. ປັດຈຸບັນມີຫົວໜ່ວຍແຮງງານວິສາຫະກິດ ທີ່ເຂົ້າເປັນສະມາຊິກປະກັນສັງຄົມໄດ້ຈ່າຍເງິນສົມທົບ 2.580 ຫົວໜ່ວຍ. ສໍາລັບວຽກງານອຸດໜູນໄດ້ດໍາເນີນການພິຈາລະນາ ແລະ ຄິດໄລ່ເງິນອຸດໜູນຕ່າງໆທັງໝົດ 73.519 ກໍລະນີ ເທົ່າກັບ 57% ຂອງແຜນການປີ, ໃນນີ້ ພາກລັດ 62.187 ກໍລະນີ, ພາກວິສາຫະກິດ ແລະ ສະໝັກໃຈ 15.993 ກໍລະນີ. ໄດ້ຄິດພິຈາລະນາ ແລະ ຄິດໄລ່ເງິນອຸດໜູນວ່າງງານສະເພາະໂຄວິດ-19 ໃນງວດ I ໃຫ້ແກ່ 39 ບໍລິສັດ ມີຜູ້ປະກັນຕົນໄດ້ຮັບນະໂຍບາຍທັງໝົດ 4.661 ເທື່ອຄົນ ລວມເປັນເງິນ 4.39 ຕື້ກ່ວາກີບ ແລະຕົວເລກສະສົມການປະຕິບັດອຸດໜູນວ່າງງານສະເພາະໂຄວິດ-19 ທັງໝົດ 372 ຫົວໜ່ວຍ ໃນນີ້ມີຜູ້ອອກແຮງງານ 25.951 ເທື່ອຄົນ ລວມເປັນເງິນທັງໝົດ 24.26 ຕື້ກວ່າກີບ. ປັດຈຸບັນມີຜູ້ເກີດສິດປິ່ນປົວສຸຂະພາບລວມທັງຄອບຄົວທັງໝົດ 759.873 ຄົນ; ໃນນີ້ພາກລັດ 486.704 ຄົນ, ພາກວິສາຫະກິດ ແລະ ສະໝັກໃຈ 273.169 ຄົນ. ນອກນັ້ນໃນກອງປະຊຸມຍັງໄດ້ຜ່ານແຜນກິດຈະກໍາ ແລະ ຕົວເລກຄາດໝາຍສູ້ຊົນໃນຕໍ່ໜ້າ ແລະ ສະເໜີກອງປະຊຸມເພື່ອພິຈາລະນາບັນຫາສໍາຄັນຕ່າງໆໃນການຈັດຕັ້ງປະຕິບັດວຽກງານປະກັນສັງຄົມໂດຍທ່ານ ນາງ ແກ້ວ ຈັນທະວີໄຊ ຫົວໜ້າອົງການປະກັນສັງຄົມແຫ່ງຊາດ; ກອງປະຊຸມໄດ້ມີການປຶກສາຫາລືໃນຫຼາຍບັນຫາ ໂດຍສະເພາະແມ່ນການສ້າງຄວາມພ້ອມຂອງວຽກງານປິ່ນອ້ອມພາຍໃນຂອງຕົນ ເພື່ອໃຫ້ສາມາດໃຫ້ບໍລິການແລະດໍາເນີນວຽກງານຕ່າງໆໄດ້ຢ່າງເປັນປົກກະຕິ ໂດຍການໝຸນໃຊ້ລະບົບເທັກໂນໂລຊີທີ່ທັນສະໄໝເຂົ້າຊ່ວຍ ເປັນຕົ້ນແມ່ນ ການໃຫ້ຂໍ້ມູນປະກັນສັງຄົມເຂົ້າເຖິງກຸ່ມເປົ້າໝາຍຜ່ານລະບົບອອນລາຍທາງໄກ ແລະ ວຽກງານຕ່າງໆໃຫ້ສອດຄ່ອງ ແລະ ແທດເໝາະ ຕໍ່ກັບສະພາບການເຝົ້າລະວັງການແຜ່ລະບາດຂອງເຊື້ອພະຍາດໂຄວິດ-19 ຕາມແຈ້ງການຂອງລັດຖະບານ, ການຮັບມືກັບຜົນກະທົບທີ່ອາດຈະເກີດຂື້ນຍ້ອນການວ່າງງານ ແລະ ອື່ນໆ. ກອງປະຊຸມສະພາບໍລິຫານ ຂອງ ອປຊ ຄັ້ງທີ III ໄດ້ດໍາເນີນໄປດ້ວຍຜົນສໍາເລັດ ເປັນໄລຍະເວລາເຄິ່ງວັນ.
ພາບ-ຂ່າວໂດຍ: ພະແນກໂຄສະນາ-ປະຊາສໍາພັນ.