ຊອກຜູ້ເກີດສິດ

ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 12/04/2021 ເວລາ 10:40


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 12/04/2021 ເວລາ 14:25

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໃນໂມງການ)

ແຜ່ນພັບ


English Version
ພາກວິສາຫະກິດ
ພາກລັດຖະກອນ
ແຜ່ນພັບພາກສະໝັກໃຈ

ຝຶກອົບຮົມສ້າງຄວາມເຂັ້ມແຂງວຽກງານໂຄສະນາປະຊາສຳພັນ 9ແຂວງພາກກາງ ແລະ ພາກໃຕ້.

alt
ເພື່ອຮັບປະກັນໃນການສະໜອງຂໍ້ມູນຂ່າວສານວຽກງານປະກັນສັງຄົມໃຫ້ເຂົ້າເຖິງກຸ່ມເປົ້າໝາຍຢ່າງມີປະສິດທິພາບ ແລະ ປະສິດທິຜົນ ໂດຍແນໃສ່ການຍົກລະດັບຄວາມຮູ້ຄວາມສາມາດທາງດ້ານວິຊາການ ເວົ້າລວມ ເວົ້າສະເພາະ ກໍ່ຄືການສ້າງຄວາມເຂັ້ມແຂງໃນວຽກງານໂຄສະນາປະຊາສຳພັນ


ໃຫ້ແກ່ພະນັກງານຫຼັກແຫຼ່ງຂອງຕົນໃນຂອບເຂດທົ່ວປະເທດ. ໃນລະຫວ່າງວັນທີ 07-13 ກຸມພາ 2021 ທີ່ ພະແນກ ຮສສ ແຂວງສະຫວັນນະເຂດ ນະຄອນໄກສອນພົມວິຫານ ອົງການປະກັນສັງຄົມແຫ່ງຊາດ ຮ່ວມກັບ ພະແນກ ຮສສ ແຂວງ ແລະ ຫ້ອງການປະກັນສັງຄົມແຂວງ ສະຫວັນນະເຂດ ໄດ້ຈັດຊຸດຝຶກອົບຮົມວຽກງານໂຄສະນາປະຊາສຳພັນໃຫ້ພະນັກງານຫ້ອງການປະກັນ ສັງຄົມແຂວງ ໃນເຂດພາກກາງ ແລະ ພາກໃຕ້ ໂດຍການສະໜັບສະໜູນຂອງອົງການແຮງງານສາກົນ (ILO), ໃຫ້ກຽດເປັນປະທານ ຮ່ວມກ່າວເປີດຊຸດຝຶກອົບຮົມໃນຄັ້ງນີ້ໂດຍທ່ານ ຈັນສະໝອນ ອາລິຍະວົງ ຫົວໜ້າຫ້ອງການປະກັນສັງຄົມແຂວງສະຫວັນນະເຂດ ແລະ ທ່ານ ນາງ ດວງເດືອນ ຈັນທະວົງ ຫົວໜ້າພະແນກໂຄສະນາ-ປະຊາສໍາພັນ ຂອງອົງການປະກັນສັງຄົມແຫ່ງຊາດ, ມີນັກສຳມະນາກອນ ຈາກສູນກາງ ແລະ ຫ້ອງການປະກັນສັງຄົມແຂວງຈໍານວນ 09 ແຂວງເຂົ້າຮ່ວມຢ່າງພ້ອມພຽງ.

ທ່ານ ຈັນສະໝອນ ອາລິຍະວົງ ຫົວໜ້າຫ້ອງການປະກັນສັງຄົມແຂວງສະຫວັນນະເຂດ ໃນນາມປະທານເປີດຊຸດຝຶກອົບຮົມ, ກ່າວວ່າ: ການປະກັນສັງຄົມ ເປັນວຽກງານໜຶ່ງທີ່ມີຄວາມສໍາຄັນໃນການປົກປ້ອງດູແລຊາວຜູ້ອອກແຮງງານ ເຊັ່ນ: ພະນັກງານ-ລັດຖະກອນ, ທະຫານ, ຕຳຫຼວດ, ພະນັກງານຢູ່ໃນຫົວໜ່ວຍວິສາຫະກິດ ແລະ ປະຊາຊົນທົ່ວໄປທີ່ເຂົ້າສູ່ລະບົບສະໝັກໃຈ ໃຫ້ໄດ້ຮັບການຄຸ້ມຄອງ ທາງດ້ານສະຫວັດດີການອຸດໜູນປະເພດຕ່າງໆ ພາຍໃຕ້ກົດໝາຍວ່າດ້ວຍການປະກັນສັງຄົມສະບັບປັບປຸງ ຕາມແນວທາງນະໂຍບາຍ ຂອງພັກ ແລະ ລັດຖະບານ ເຊິ່ງວຽກງານໂຄສະນາປະຊາສຳພັນ ແມ່ນມີບົດບາດສຳຄັນໃນການສະໜອງຂໍ້ມູນຂ່າວສານທີ່ຈໍາເປັນ ເຂົ້າເຖິງກຸ່ມເປົ້າໝາຍ ເພື່ອສ້າງຄວາມຮັບຮູ້ແກ່ສັງຄົມ ໃຫ້ມີຄວາມເຂົ້າໃຈ ແລະ ເຫັນໄດ້ເຖິງຄວາມສຳຄັນຂອງວຽກງານດັ່ງກ່າວ ນັບມື້ນັບຫຼາຍຂື້ນ. ນອກນັ້ນທ່ານຍັງໄດ້ຮຽກຮ້ອງໃຫ້ຜູ້ເຂົ້າຮ່ວມຝຶກອົບຮົມໃນຄັ້ງນີ້ ຈົ່ງພ້ອມກັນເອົາໃຈໃສ່ໃນການຖອດຖອນບົດຮຽນ ຈາກວິທະຍາກອນ ກໍ່ຄືຜູ້ທີ່ມີປະສົບການສະເພາະດ້ານ ເພື່ອຍາດແຍ່ງເອົາຄວາມຮູ້ດັ່ງກ່າວມາໝູນໃຊ້ເຂົ້າໃນໜ້າທີ່ຮັບຜິດຊອບຂອງຕົນ ຢ່າງມີຜົນສຳເລັດ.

ໃນຊຸດຝຶກອົບຮົມ ໄດ້ຮັບຟັງການບັນຍາຍລົງເລິກທັງໃນພາກທິດສະດີ ແລະ ການປະຕິບັດຕົວຈິງໂດຍທ່ານນາງດວງເດືອນ ຈັນທະວົງ ຫົວໜ້າພະແນກໂຄສະນາປະຊາສຳພັນ ຂອງ ອປຊ ໃນຫຼາຍຫົວຂໍ້ ເຊັ່ນ: ການຮຽນຮູ້ທັກສະຂອງການເປັນຜູ້ບັນຍາຍທີ່ດີ, ການນຳໃຊ້ເຄື່ອງມືໂຄສະນາປະຊາສຳພັນຢ່າງມີປະສິດທິພາບ, ການໂຄສະນາຜ່ານສື່ຕ່າງໆ, ການຂຽນບົດ-ຂຽນຂ່າວ, ການດຳເນີນ ລາຍການວິທະຍຸ, ການສ້າງວິດີໂອສັ້ນລົງຜ່ານສື່ອອນລາຍເຟສບຸກ ແລະອື່ນໆ. ນອກນັ້ນຊຸດຝຶກອົບຮົມໃນຄັ້ງນີ້ ຍັງໄດ້ມີການເຜີຍແຜ່ ກົດໝາຍວ່າດ້ວຍການປະກັນສັງຄົມ (ສະບັບປັບປຸງ) ໃຫ້ບັນດາຫົວໜ່ວຍວິສາຫະກິດ ແລະ ປະຊາຊົນທົ່ວໄປ ພາຍໃນເທດສະບານ ນະຄອນໄກສອນພົມວິຫານ ໂດຍການເປັນປະທານຂອງທ່ານ ວາລິນ ອິນທະສອນ ຮອງຫົວໜ້າພະແນກ ຮສສ ແຂວງສະຫວັນນະເຂດ ເຊິ່ງທ່ານໄດ້ຕີລາຄາສູງຕໍ່ຜົນສຳເລັດຂອງຊຸດຝຶກອົບຮົມແລະການເຜີຍແຜ່ໃນຄັ້ງນີ້ ສະແດງອອກຈາກການຍົກບັນຫາຂື້ນມາສົນທະນາ ຖາມ-ຕອບຂອງຜູ້ເຂົ້າຮ່ວມທີ່ມີຄວາມຫຼາກຫຼາຍ ແລະ ກົງໄປກົງມາ ພ້ອມທັງໄດ້ຮັບຟັງການອະທິບາຍຊີ້ແຈງຂອງຜູ້ຕາງໜ້າຈາກ ຫ້ອງການປະກັນສຸຂະພາບແຂວງສະຫວັນນະເຂດ.

ສໍາລັບຊຸດຝຶກອົບຮົມໃນຄັ້ງນີ້ ຍັງໄດ້ມີການແລກປ່ຽນກ່ຽວກັບຈຸດພິເສດ ແລະ ຄວາມເປັນໄປໄດ້ ຂອງວຽກງານໂຄສະນາໃນແຕ່ລະ ແຂວງແຕ່ລະທ້ອງຖິ່ນ ເພື່ອເປັນແນວທາງໃນການປັບປຸງການໂຄສະນາປະຊາສຳຂອງຕົນໃຫ້ມີຄວາມຫຼາກຫຼາຍແລະໜ້າສົນໃຈຍິ່ງຂື້ນ, ນອກນັ້ນຊຸດຝຶກອົບຮົມຍັງໄດ້ຮັບເອົາບັນດາຂໍ້ສະເໜີຂອງບັນດາສຳມະນາກອນເພື່ອລາຍງານຂັ້ນເທິງຕາມຈຸດປະສົງແລະເປົ້າໝາຍ ທັງນີ້ກໍ່ເພື່ອຮັບປະກັນຄວາມພ້ອມໃນວຽກງານໂຄສະນາປະຊາສຳພັນ ກໍ່ຄືໃຫ້ບັນລຸຕົວເລກຄາດໝາຍສູ້ຊົນທີ່ກຳນົດໄວ້ໃນແຕ່ລະໄລຍະ. ສຳລັບຊຸດຝຶກອົບຮົມຄັ້ງຕໍ່ໄປ 09 ແຂວງພາກເໜືອ ຄາດວ່າຈະຈັດຂື້ນໃນທ້າຍເດືອນກຸມພາ 2021 ນີ້ ທີ່ນະຄອນຫຼວງພະບາງ ແຂວງຫຼວງພະບາງ.

ພາບ-ຂ່າວໂດຍ: ພະແນກໂຄສະນາ-ປະຊາສຳພັນ.