ຊອກຜູ້ເກີດສິດ

ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 01/03/2021 ເວລາ 10:30


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 01/03/2021 ເວລາ 13:07

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໃນໂມງການ)

ແຜ່ນພັບ


English Version
ພາກລັດຖະກອນ
ແຜ່ນພັບພາກສະໝັກໃຈ

ສໍາເລັດກອງປະຊຸມສະພາບໍລິຫານ ອປຊ ຄັ້ງທີ II.

altໃນຕອນເຊົ້າຂອງວັນທີ 29 ມັງກອນ 2021 ທີ່ ອົງການປະກັນສັງຄົມແຫ່ງຊາດ ໄດ້ມີກອງປະຊຸມສະພາບໍລິຫານຄັ້ງທີ II ຂອງຕົນຂື້ນ ໂດຍການເປັນປະທານຂອງທ່ານ ປອ ຄໍາແພງ ໄຊສົມແພງ ກໍາມະການສູນກາງພັກ

ເລຂາຄະນະພັກ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ທັງເປັນປະທານສະພາບໍລິຫານຂອງອົງການປະກັນສັງຄົມແຫ່ງຊາດ, ເຂົ້າຮ່ວມມີຮອງປະທານສະພາບໍລິຫານ, ຄະນະກໍາມະການ, ຄະນະອົງການ ອປຊ ແລະ ພະແນກການທີ່ກ່ຽວຂ້ອງ.

ກອງປະຊຸມໃນຄັ້ງນີ້ ໄດ້ໄຂຂື້ນໃນທາມກາງທີ່ທົ່ວພັກ-ທົ່ວລັດ ພວມສະເຫຼີມສະຫຼອງຜົນສໍາເລັດຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກປະຊາຊົນປະຕິວັດລາວ ແລະ ຜົນສໍາເລັດຂອງກອງປະຊຸມວິຊາການແຮງງານແລະສະຫວັດດີການສັງຄົມທົ່ວປະເທດປະຈໍາປີ 2020 ຂອງກະຊວງ ຮສສ ທີ່ໄດ້ໄຂຂື້ນໃນລະຫວ່າງວັນທີ 26-27 ມັງກອນ 2021. ຈຸດປະສົງຂອງກອງປະຊຸມສະພາບໍລິຫານໃນຄັ້ງນີ້ ກໍ່ເພື່ອເປັນການສະຫຼຸບຕີລາຄາຜົນຂອງການຈັດຕັ້ງປະຕິບັດວຽກງານຂອງອົງການປະກັນສັງຄົມແຫ່ງຊາດໃນໄລຍະ 01 ປີທີ່ຜ່ານມາ, ໂດຍແນໃສ່ວຽກງານພົ້ນເດັ່ນທີ່ຍາດມາໄດ້ ແລະ ບາງວຽກງານທີ່ຍັງຄົງຄ້າງທີ່ຈະຕ້ອງພ້ອມກັນປຶກສາຫາລືເພື່ອຈັດຕັ້ງປະຕິບັດວຽກງານດັ່ງກ່າວໃຫ້ມີຜົນສໍາເລັດຕາມລະດັບຄາດໝາຍ. ພາຍໃນກອງປະຊຸມ ໄດ້ຮັບຟັງການລາຍງານບົດສະຫຼຸບການຈັດຕັ້ງປະຕິບັດວຽກງານປະກັນສັງຄົມປະຈໍາປີ 2020 ໂດຍທ່ານ ບຸນຍອດ ຈັນທະວອນ ຮອງຫົວໜ້າອົງການປະກັນສັງຄົມແຫ່ງຊາດ, ເຊິ່ງທ່ານໃຫ້ຮູ້ວ່າ: ອປຊ ສາມາດຍາດມາໄດ້ຜົນສໍາເລັດວຽກງານຈຸດສຸມຫຼາຍດ້ານ ເຊັ່ນ ສໍາເລັດພິທີປະກາດການຈັດຕັ້ງຂອງອົງການປະກັນສັງຄົມແຫ່ງຊາດ; ການຈັດກອງປະຊຸມໃຫຍ່ຄັ້ງທີ I ຂອງໜ່ວຍພັກອົງການປະກັນສັງຄົມແຫ່ງຊາດ; ຈັດພິທີປະກາດການແຕ່ງຕັ້ງຄະນະສະພາບໍລິຫານ ຂອງ ອປຊ ຊຸດໃໝ່; ສໍາເລັດການອອກແບບສື່ໂຄສະນາປະຊາສຳພັນຕ່າງໆ ແຜ່ນພັບ, ປ້າຍໂຄສະນາ, ປັບປຸງຮູບແບບການໂຄສະນາຂອງຫ້ອງການປະກັນສັງຄົມຢູ່ 8 ແຂວງ ແລະ ຜະລິດສະປ໋ອດໂຄສະນາໃຫ້ກົມພັດທະນາສີມືແຮງງານແລະຈັດຫາງານ ກະຊວງ ຮສສ ໃນວຽກງານສົ່ງເສີມການມີວຽກເຮັດງານທໍາພາຍໃນ ແລະ ຢູ່ຕ່າງປະເທດແບບຖືກຕ້ອງຕາມກົດໝາຍ; ສໍາເລັດການຕິດຕັ້ງແລະຝຶກອົບຮົມໂປຼແກຼມຜູ້ສະໝັກໃຈໃຫ້ສາມາດຮັບເງິນສົມທົບລ່ວງໜ້າຕາມອາຍຸສັນຍາ ແລະ ການຮັບເງິນສົມທົບຂອງຜູ້ສະໝັກໃຈຜ່ານປ່ອງບໍລິການຂອງທະນາຄານພັດທະນາລາວໃຫ້ຫ້ອງການປະກັນສັງຄົມແຂວງ (ຫປສ) ຈໍານວນ 10 ຄັ້ງ; ລົງຊຸກຍູ້ແລະຕິດຕັ້ງລະບົບໂປຼແກຼມການຄິດໄລ່ເງິນອຸດໜູນໄລຍະສັ້ນແລະໄລຍະຍາວ ທີ່ໄດ້ປັບປຸງໃຫ້ສອດຄ່ອງກັບກົດໝາຍວ່າດ້ວຍການປະກັນສັງຄົມ ຢູ່ ຫປສ ແຂວງ ຈໍານວນ 13 ຄັ້ງ; ສົມທົບກັບກະຊວງປ້ອງກັນປະເທດ ແລະ ກະຊວງປ້ອງກັນຄວາມສະຫງົບ ເພື່ອປຶກສາຫາລືກ່ຽວກັບການຈັດຕັ້ງປະຕິບັດບົດບັນທຶກການມອບໂອນເພື່ອໃຫ້ສອງພາກສ່ວນສາມາດນໍາໄປເບີກຈ່າຍດ້ວຍຕົນເອງໃນປີ 2021 ເປັນຕົ້ນໄປ; ນອກນັ້ນ ຍັງໄດ້ດໍາເນີນການກວດສອບການຈັດຕັ້ງປະຕິບັດວຽກງານຂອງອົງການປະກັນສັງຄົມແຫ່ງຊາດຢູ່ສູນກາງແລະຫ້ອງການປະກັນສັງຄົມຂັ້ນທ້ອງຖິ່ນໄດ້ 12 ແຂວງ ແລະອື່ນໆ. ສຳລັບວຽກງານປິ່ນອ້ອມ ອປຊ ແມ່ນໄດ້ສືບຕໍ່ລົງປະຊາສໍາພັນໃຫ້ບັນດາອົງການຈັດຕັ້ງລັດ, ຫົວໜ່ວຍວິສາຫະກິດໃນຂອບເຂດທົ່ວປະເທດ ລວມທັງພາກສະໝັກໃຈໄດ້ທັງໝົດ 557 ຄັ້ງ ເທົ່າກັບ 68 % ຂອງແຜນການປີ ໃນນັ້ນສໍາໜັກງານໃຫຍ່ 123 ຄັ້ງ ແລະ ທ້ອງຖິ່ນ 434 ຄັ້ງ; ໄດ້ສືບຕໍ່ປະຊາສໍາພັນທາງສື່ມວນຊົນຂະແໜງການຕ່າງໆ ຕາມເນື້ອໃນກົດໝາຍວ່າດ້ວຍການປະກັນສັງຄົມ ໃຫ້ແກ່ບັນດາກຸ່ມເປົ້າໝາຍໄດ້ເຂົ້າໃຈຢ່າງຖືືກຕ້ອງ ໂດຍສະເພາະແມ່ນສິດຜົນປະໂຫຍດທີ່ຈະໄດ້ຮັບຈາກການເຂົ້າເປັນສະມາຊິກປະກັນສັງຄົມ, ຊຶ່ງໃນປີ 2020 ສາມາດຂຶ້ນທະບຽນໃຫ້ກັບຫົວໜ່ວຍແຮງງານວິສາຫະກິດໃໝ່ 237 ຫົວໜ່ວຍ ເທົ່າກັບ 69% ຂອງແຜນການປີ ຂື້ນທະບຽນຜູ້ປະກັນຕົນໃໝ່ໄດ້ທັງໝົດ 30.583 ຄົນ ເທົ່າກັບ 63% ໃນນີ້ ຂື້ນທະບຽນພະນັກງານລັດຖະກອນໃໝ່ 2.952 ຄົນ ເທົ່າກັບ 64%, ພາກວິສາຫະກິດໄດ້ 23.872 ຄົນ ເທົ່າກັບ 57% ແລະ ພາກສະໝັກໃຈໃໝ່ບັນລຸ 3.759 ຄົນ ເທົ່າກັບ 126% ຂອງແຜນການປີ; ມີຜູ້ປະກັນຕົນ ທີ່ໄດ້ຈ່າຍເງິນສົມທົບທັງໝົດ 314.753 ຄົນ (ບໍ່ລວມພາກສ່ວນ ປກຊ, ປກສ); ໃນນີ້ ມີຜູ້ປະກັນຕົນພາກລັດ 180.609 ຄົນ, ພາກວິສາຫະກິດ 121.698 ຄົນ, ຜູ້ສະໝັກໃຈ 12.446 ຄົນ. ປັດຈຸບັນມີຫົວໜ່ວຍແຮງງານວິສາຫະກິດ ທີ່ເຂົ້າເປັນສະມາຊິກປະກັນສັງຄົມໄດ້ຈ່າຍເງິນສົມທົບ 2.514 ຫົວໜ່ວຍ. ສໍາລັບວຽກງານອຸດໜູນໄດ້ດໍາເນີນການພິຈາລະນາ ແລະ ຄິດໄລ່ເງິນອຸດໜູນຕ່າງໆທັງໝົດ 98.198 ກໍລະນີ ເທົ່າກັບ 69% ຂອງແຜນການປີ, ໃນນີ້ ພາກລັດ 72.794 ກໍລະນີ, ພາກວິສາຫະກິດ ແລະ ສະໝັກໃຈ 25.404 ກໍລະນີ. ປັດຈຸບັນມີຜູ້ເກີດສິດປິ່ນປົວສຸຂະພາບລວມທັງຄອບຄົວທັງໝົດ 753.120 ຄົນ; ໃນນີ້ພາກລັດ 484.926 ຄົນ, ພາກວິສາຫະກິດ ແລະ ສະໝັກໃຈ 268.194 ຄົນ. ນອກນັ້ນໃນກອງປະຊຸມຍັງໄດ້ຜ່ານແຜນກິດຈະກໍາ ແລະ ຕົວເລກຄາດໝາຍສູ້ຊົນໃນປີ 2021 ແລະ ສະເໜີກອງປະຊຸມເພື່ອພິຈາລະນາບາງບັນຫາໃນການຈັດຕັ້ງປະຕິບັດວຽກງານປະກັນສັງຄົມໂດຍທ່ານ ນາງ ແກ້ວ ຈັນທະວີໄຊ ຫົວໜ້າອົງການປະກັນສັງຄົມແຫ່ງຊາດ ເປັນຕົ້ນແມ່ນ ການຜ່ານຮ່າງລະບຽບພາຍໃນຂອງ ອປຊ, ການສະເໜີໃຫ້ກະຊວງສາທາລະນະສຸກຊຸກຍູ້ການແຕ່ງຕັ້ງຄະນະກໍາມະການຕີເປີເຊັນປະເພດເສຍກໍາລັງແຮງງານ ແລະບັນຫາອື່ນໆ; ເຊິ່ງພາຍຫຼັງການປະກອບຄໍາຄິດຄໍາເຫັນໃນກອງປະຊຸມເຫັນໄດ້ວ່າ ວຽກງານໂຄສະນາຍັງຖືເປັນບັນຫາສໍາຄັນ ທີ່ ອປຊ ຈະຕ້ອງໄດ້ເພີ່ມທະວີຄວາມເອົາໃຈໃສ່ໃນການໂຄສະນາປະຊາສໍາພັນໃຫ້ມີຮູບແບບທີ່ຫຼາກຫຼາຍ ເຂົ້າໃຈງ່າຍ ວ່ອງໄວ ແລະທັນກັບສະພາບການ ໂດຍການໜູນໃຊ້ລະບົບເທັກໂນໂລຢີທີ່ທັນສະໄໝແລະສື່ອອນລາຍເຂົ້າຊ່ວຍໃນການໂຄສະນາວຽກງານດັ່ງກ່າວໃຫ້ນັບມື້ນັບຫຼາຍຂື້ນ ເພື່ອຮັບປະກັນການໂຄສະນາໃຫ້ມີປະສິດທິພາບແລະປະສິດທິຜົນສູງຂຶ້ນກວ່າເກົ່າ. ພ້ອມທັງຮັບເອົາບັນດາຂໍ້ສະເໜີ ແລະ ໄດ້ຮັບຮອງວຽກງານສໍາຄັນຕ່າງໆຕື່ມອີກ. ກອງປະຊຸມສະພາບໍລິຫານ ຂອງ ອປຊ ຄັ້ງທີ II ໄດ້ດໍາເນີນໄປດ້ວຍຜົນສໍາເລັດເປັນໄລຍະເວລາເຄິ່ງວັນ.

ພາບ-ຂ່າວໂດຍ: ພະແນກໂຄສະນາ-ປະຊາສໍາພັນ.