ຊອກຜູ້ເກີດສິດ

ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 12/04/2021 ເວລາ 10:40


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 12/04/2021 ເວລາ 14:25

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໃນໂມງການ)

ແຜ່ນພັບ


English Version
ພາກວິສາຫະກິດ
ພາກລັດຖະກອນ
ແຜ່ນພັບພາກສະໝັກໃຈ

ຂ່າວດີສໍາລັບຜູ້ປະກັນຕົນປະກັນສັງຄົມໃນຂົງເຂດຕັດຫຍິບ

altກອງປະຊຸມປຶກສາຫາລືກ່ຽວກັບການຈັດຕັ້ງປະຕິບັດໂຄງການເງິນອຸດໜູນໄລຍະສັ້ນ ໃຫ້ແກ່ຜູ້ປະກັນຕົນໃນຂົງເຂດຕັດຫຍິບທີ່ໄດ້ຮັບຜົນກະທົບໂຄວິດ-19 ໄດ້ມີຂື້ນໃນຕອນເຊົ້າຂອງວັນທີ 20 ມັງກອນ 2021 ທີ່ ໂຮງແຮມຄຣາວພລາຊາ

ນະຄອນຫຼວງວຽງຈັນ ໂດຍການເປັນປະທານຂອງທ່ານ ນາງ ບົວຫອມ ພົມມະຈັນ ຮອງຫົວໜ້າອົງການປະກັນສັງຄົມແຫ່ງຊາດ, ໃຫ້ກຽດເປັນປະທານຮ່ວມມີ ທ່ານ ປອ ໄຊບັນດິດ ຣາສະພົນ ປະທານສະມາຄົມອຸດສາຫະກໍາກຸ່ມຕັດຫຍິບລາວ ແລະ ທ່ານ ອະທິລັດ ອຸດົມເດດ ຮອງຫົວໜ້າກົມປົກປ້ອງແຮງງານ ສູນກາງສະຫະພັນກຳມະບານລາວ, ເຂົ້າຮ່ວມມີຄະນະອົງການປະກັນສັງຄົມແຫ່ງຊາດ, ຜູ້ປະສານງານຈາກອົງການແຮງງານສາກົນ ຫຼື ILO ແລະ ຕົວແທນຈາກ 50 ບໍລິສັດ ທີ່ເປັນສະມາຊິກຂອງສະມາຄົມອຸດສາຫະກໍາກຸ່ມຕັດຫຍິບລາວ ພ້ອມດ້ວຍແຂກຖືກເຊີນເຂົ້າຮ່ວມລວມທັງໝົດ 120 ທ່ານ.

ໃນໂອກາດດັ່ງກ່າວ ທ່ານ ນາງ ບົວຫອມ ພົມມະຈັນ ໄດ້ໃຫ້ກຽດກ່າວເປີດກອງປະຊຸມ ແລະ ມີຄໍາເຫັນວ່າ: ໃນການແຜ່ລະບາດຂອງເຊື້ອພະຍາດໂຄວິດ-19 ໄດ້ສົ່ງຜົນກະທົບຢ່າງໃຫຍ່ຫຼວງຕໍ່ການພັດທະນາເສດຖະກິດ-ສັງຄົມ ທັງໃນລາວແລະໃນໂລກ, ເຊິ່ງຕໍ່ກັບສະພາບການດັ່ງກ່າວ ໂດຍອີງໃສ່ງົບປະມານທີ່ມີຈໍາກັດ ພັກແລະລັດຖະບານ ກໍ່ຄື ກະຊວງແຮງງານແລະສະຫວັດດີການສັງຄົມ ຈິ່ງໄດ້ມີຄວາມພະຍາຍາມໃນການຊອກຫາແຫຼ່ງທຶນຈາກບັນດາປະເທດເພື່ອນມິດແລະສາກົນ ເພື່ອມາບັນເທົາຄວາມເດືອດຮ້ອນແກ່ຜູ້ອອກແຮງງານຢູ່ໃນລາວ, ໂດຍໄດ້ຮັບການຊ່ວຍເຫຼືອຈາກທະນາຄານພັດທະນາວິສາຫະກິດຂອງປະເທດເຢຍລະມັນ ທີ່ມີໜ້າທີ່ໃນການສົ່ງເສີມອຸດສາຫະກໍາຕັດຫຍິບໃນທົ່ວໂລກ ເປັນຜູ້ສະໜັນສະໜູນໂຄງການໃນຈໍານວນເງິນທັງໝົດ 2 ລ້ານໂດລາສະຫາລັດ ເພື່ອມາຊ່ວຍໜູນລາຍໄດ້ໃຫ້ຜູ້ປະກັນຕົນໃນຂົງເຂດຕັດຫຍິບຢູ່ລາວ, ພ້ອມດຽວກັນນັ້ນ ທ່ານຍັງໄດ້ຮຽກຮ້ອງໃຫ້ຜູ້ເຂົ້າຮ່ວມກອງປະຊຸມຈົ່ງພ້ອມກັນປຶກສາຫາລື ແລະ ກັນປະກອບຄໍາຄິດຄໍາເຫັນດ້ວຍຄວາມເອົາໃຈໃສ່ ເພື່ອຮັບປະກັນໃນການຈັດຕັ້ງປະຕິບັດວຽກງານດັ່ງກ່າວ ຮ່ວມກັບອົງການຈັດຕັ້ງສາມຝ່າຍ ໃຫ້ບັນລຸຕາມຄາດໝາຍທີ່ວາງໄວ້. ຈາກນັ້ນໃນທີ່ປະຊຸມ ໄດ້ມີການນໍາສະເໜີແຜນງົບປະມານການຊ່ວຍເຫຼືອ ແລະ ແຜນກິດຈະກໍາ ໂດຍ ທ່ານ ບຸນຍອດ ຈັນທະວອນ ຮອງຫົວໜ້າອົງການປະກັນສັງຄົມແຫ່ງຊາດ ໃນນາມຕາງໜ້າຄະນະຂອງອົງການຈັດຕັ້ງສາມຝ່າຍ, ທ່ານກ່າວວ່າ: ການຊ່ວຍເຫຼືອດັ່ງກ່າວ ແມ່ນເປັນໄປຕາມຈຸດປະສົງຂອງລັດຖະບານເຢຍລະມັນ ໂດຍແນໃສ່ການຊ່ວຍເຫຼືອກຸ່ມເປົ້າໝາຍທີ່ເປັນຜູ້ປະກັນຕົນປະກັນສັງຄົມໃນຂົງເຂດຕັດຫຍິບ ເປັນຕົ້ນຕໍ ໂດຍຜ່ານອົງການແຮງງານສາກົນ ແລະ ມອບໃຫ້ອົງການປະກັນສັງຄົມແຫ່ງຊາດຮ່ວມກັບອົງການຈັດຕັ້ງສາມຝ່າຍ ເປັນຜູ້ຈັດຕັ້ງປະຕິບັດ, ຈາກນັ້ນທ່ານໄດ້ນໍາສະເໜີກ່ຽວກັບເງື່ອນໄຂຂອງຜູ້ທີ່ຈະເກີດສິດໃນການຂໍຮັບເງິນຊ່ວຍໜູນດັ່ງກ່າວ ເຊິ່ງທ່ານໄດ້ໃຫ້ຮູ້ເບື້ອງຕົ້ນວ່າ ຕ້ອງເປັນຜູ້ປະກັນຕົນໃນລະບົບປະກັນສັງຄົມທີ່ມີເງິນສົມທົບນັບແຕ່ 01 ເດືອນຂື້ນໄປ ໃນໄລຍະເດືອນມີນາ 2020 ເປັນຕົ້ນມາ ໂດຍຄາດວ່າຈະໄດ້ຄິດໄລ່ໃຫ້ເທື່ອດຽວເປັນຈໍານວນເງິນ 900.000 ກີບຕໍ່ຄົນ ໂດຍການລົງທະບຽນຜ່ານໂຮງງານຕັດຫຍິບທີ່ຕົນສັງກັດ. ກອງປະຊຸມໄດ້ມີການປຶກສາຫາລືແລກປ່ຽນໃນຫຼາຍບັນຫາຢ່າງກົງໄປກົງມາ ເປັນຕົ້ນແມ່ນ ບັນຫາຜູ້ອອກແຮງງານທີ່ມີເງິນສົມທົບຄົບເງື່ອນໄຂໃນໄລຍະດັ່ງກ່າວ ແຕ່ໄດ້ສິ້ນສຸດການເປັນພະນັກງານ ຫຼື ຖືກປົດປ່ອຍອອກການໄປແລ້ວ, ຊ່ອງທາງໃນການໂອນເງິນຜ່ານລະບົບອີເລັກໂທຼນິກໃຫ້ຜູ້ປະກັນຕົນເພື່ອຄວາມສະດວກ ວ່ອງໄວຍິ່ງຂື້ນ ແລະອື່ນໆ.

ພາບ-ຂ່າວ: ພະແນກໂຄສະນາ-ປະຊາສໍາພັນ