ຊອກຜູ້ເກີດສິດ

ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 01/03/2021 ເວລາ 10:30


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 01/03/2021 ເວລາ 13:07

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໃນໂມງການ)

ແຜ່ນພັບ


English Version
ພາກລັດຖະກອນ
ແຜ່ນພັບພາກສະໝັກໃຈ

ຊົມເຊີຍຜົນສໍາເລັດກອງປະຊຸມປະຈຳປີ 2020 ຂອງ ອປຊ.

altໃນລະຫວ່າງ ວັນທີ 7 ຫາ 8 ມັງກອນ 2021 ທີ່ຜ່ານມາ, ອົງການປະກັນສັງຄົມແຫ່ງຊາດ ໄດ້ຈັດກອງປະຊຸມສະຫຼຸບວຽກງານ ປະຈຳປີ 2020 ຂຶ້ນ ທີ່ ເມືອງ ວັງວຽງ ແຂວງວຽງຈັນ.

ພາຍໃຕ້ການເປັນປະທານຂອງ ທ່ານ ປະເດີມພອນ ສົນທະນີ ຮອງລັດຖະມົນຕີ ກະຊວງ ແຮງງານ ແລະ ສະຫວັດດີການສັງຄົມ, ຮອງປະທານສະພາບໍລິຫານ ອປຊ ທັງເປັນຜູ້ປະຈຳການ, ມີບັນດາຄະນະກົມ, ຫົວໜ້າຫ້ອງການ, ຮອງຫົວໜ້າຫ້ອງການກອງທຶນປະກັນສັງຄົມແຂວງ ແລະ ຕາງໜ້າພະນັກງານ ອປຊ ໃນຂອບເຂດທົ່ວປະເທດ ເຂົ້າຮ່ວມຢ່າງພ້ອມພຽງ.

ຈຸດປະສົງຂອງການຈັດກອງປະຊຸມດັ່ງກ່າວ ກໍ່ເພື່ອເປັນການສະຫຼຸບ ຖອດຖອນບົດຮຽນໃນການຈັດຕັ້ງປະຕິບັດວຽກງານປະກັນສັງຄົມ ຕະຫຼອດໄລຍະໜຶ່ງປີທີ່ຜ່ານມາ ແລະ ກໍານົດເອົາທິດທາງແຜນການໃນການຈັດຕັ້ງປະຕິບັດ ປະຈຳປີ 2021. ໃນກອງປະຊຸມໄດ້ມີການສຳມະນາທາງດ້ານວິຊາາການ ເພື່ອຖອດຖອນບົດຮຽນໃນຫົວຂໍ້ ການຂະຫຍາຍອັດຕາການປົກຄຸມກຸ່ມຜູ້ສະໝັກໃຈໄປສູ່ຂັ້ນເມືອງ, ການກະກຽມຄວາມພ້ອມ ແລະ ຊຸກຍູ້ການມອບ-ໂອນ ຜູ້ຮັບອຸດໜູນໄລຍະຍາວໃຫ້ 2 ກຳລັງ. ນອກຈາກນີ້, ຍັງໄດ້ຮັບຟັງການລາຍງານກ່ຽວກັບການຈັດຕັ້ງປະຕິບັດວຽກງານກວດສອບພາຍໃນ ຂອງ ອປຊ.

ກອງປະຊຸມຄັ້ງນີ້ຍັງໄດ້ຮັບຟັງການລາຍງານ ການຈັດຕັ້ງປະຕິບັດບັນດາຕົວເລກຄາດໝາຍສູ້ຊົນ ໂດຍສະເພາະແມ່ນການຂຶ້ນທະບຽນໃຫ້ຫົວໜ່ວຍວິສາຫະກິດ ໄດ້ທັງໝົດ 237 ຫົວໜ່ວຍ ເທົ່າກັບ 68% ຂອງແຜນການປີ, ຂຶ້ນທະບຽນໃຫ້ຜູ້ປະກັນຕົນໃໝ່ ໄດ້ທັງໝົດ 30.583 ຄົນ ທຽບໃສ່ແຜນເທົ່າກັບ 63% ໃນນີ້ ຜູ້ປະກັນຕົນພາກລັດໄດ້ 2.952 ຄົນ ເທົ່າກັບ 84%, ພາກວິສາຫະກິດ ໄດ້ 23.872 ຄົນ ເທົ່າກັບ 57% ແລະ ມີຜູ້ປະກັນຕົນສະໝັກໃຈໃໝ່ 3.759 ຄົນ ເທົ່າກັບ 126% ຂອງແຜນປີ. ສ່ວນການເກັບລາຍຮັບທັງໝົດ 1.839,52 ຕື້ກີບ ເທົ່າກັບ 92% ຂອງແຜນການປີ, ໃນນີ້ ພາກລັດ 1.383,59 ຕື້ກີບ ເທົ່າກັບ 99% ແລະ ພາກວິສາຫະກິດ ແລະ ສະໝັກໃຈ 449.92 ຕື້ກີບ ເທົ່າກັບບ 100% ຂອງແຜນການປີ. ໃນປີ 2020 ມີຍອດເຫຼືອລາຍຮັບ-ລາຍຈ່າຍ ທັງໝົດ 243,94 ຕື້ກີບ, ສຳລັບພາກລັດ 778.863 ກີບ, ພາກວິສາຫະກິດ ແລະ ຜູ້ສະໝັກໃຈ ມີຍອດເຫຼືອ 243,94 ຕື້ກີບ ເຊິ່ງປະຈຸບັນມີຄັງສະສົມຍົກມາ ທັງໝົດ 2.047,43 ຕື້ກີບ, ຂອງພາກລັດ 138,01 ຕື້ກີບ, ພາກວິສາຫະກິດ ແລະ ສະໝັກໃຈ 1.909,41 ຕື້ກີບ. ນອກຈາກນີ້ ຍັງໄດ້ປະຕິບັດລາຍຈ່າຍທັງໝົດ 1.595,57 ຕື້ກີບ ເທົ່າກັບ 99% ຂອງແຜນການປີ ເຊິ່ງລາຍຈ່າຍພາກລັດ 1.389,59 ຕື້ກີບ ເທົ່າກັບ 100% ແລະ ລາຍຈ່າຍພາກວິສາຫະກິດ ແລະ ສະໝັກໃຈ 205,97 ຕື້ກີບ ເທົ່າກັບ 90% ຂອງແຜນການປີ ພ້ອມທັງໄດ້ພິຈາລະນາ ແລະ ຄິດໄລ່ເງິນອຸດໜູນປະເພດຕ່າງໆ ຕາມກົດໝາຍ ທັງໝົດ 98.198 ກໍລະນີ ເທົ່າກັບ 69% ຂອງແຜນການປີ, ສະເພາະພາກລັດມີ 72.794 ກໍລະນີ ເທົ່າກັບ 53%, ພາກວິສາຫະກິດ ແລະ ຜູ້ສະໝັກໃຈ 25.404 ກໍລະນີ ເທົ່າກັບ 53% ຂອງແຜນການປີ. ນອກຈາກການປະຕິບັດ ລາຍຮັບ-ລາຍຈ່າຍ ຕາມແຜນການປີແລ້ວ ທາງປະກັນສັງຄົມຍັງໄດ້ພິຈາລະ ແລະ ຄິດໄລ່ເງິນອຸດໜູນວ່າງງານສະເພາະ ໃຫ້ກັບຜູ້ທີ່ໄດ້ຮັບຜົນກະທົບຈາກການແຜ່ລະບາດຂອງເຊື້ອພະຍາດ ໂຄວິດ-19 ຊຶ່ງໄດ້ຄິດໄລ່ໃຫ້ວິສາຫະກິດທີ່ຄົບເງື່ອນໄຂ 326 ຫົວໜ່ວຍ, ເຊິ່ງມີຜູ້ອອກແຮງງານ 20,659 ຄົນ ຕົກເປັນເງິນທັງໝົດ 18,93 ຕື້ກວ່າກີບ. ພ້ອມທັງຮັບຮອງເອົາແຜນການປະຈຳປີ 2021.

ພາຍຫຼັງທີ່ໄດ້ຮັບຟັງການລາຍງານ ຜູ້ແທນກອງປະຊຸມກໍ່ໄດ້ປະກອບຄຳຄິດຄຳເຫັນຢ່າງກົງໄປກົງມາ ແລະ ເພື່ອເຮັດໃຫ້ກອງປະຊຸມຄັ້ງນີ້ມີຄວາມໝາຍ ແລະ ຄວາມສໍາຄັນ ຜູ້ແທນເຂົ້າຮ່ວມກອງປະຊຸມຍັງໄດ້ຮັບຟັງການໂອ້ລົມຂອງ ທ່ານ ປະເດີມພອນ ສົນທະນີ ຮອງລັດຖະມົນຕີ ກະຊວງ ແຮງງານ ແລະ ສະຫວັດດີການສັງຄົມ, ຮອງປະທານສະພາບໍລິຫານ ອປຊ ທັງເປັນຜູ້ປະຈຳການ ແລະ ໃນຕອນທ້າຍ ທ່ານ ນ. ແກ້ວ ຈັນທະວີໄຊ ຫົວໜ້າອົງການປະກັນສັງຄົມແຫ່ງຊາດ ກໍ່ໄດ້ຂຶ້ນກ່າວຮັບຄຳໂອວາດ ພ້ອມທັງກ່າວປິດກອງປະຊຸມໃນເວລາຕໍ່ມາ.