joomla 2.5
шаблоны для joomla 2.5

    ໂດຍການຮ່ວມມືລະຫວ່າງ ອົງການປະກັນສັງຄົມແຫ່ງຊາດ ແລະ ອົງການແຮງງານສາກົນ ຫຼື ILO, ພາຍໃຕ້ການເປັນປະທານ ຂອງທ່ານ ດຣ ນາງ ວັນໄຊ ສຸວັນນະເມທີ ຮອງຫົວໜ້າອົງການປະກັນສັງຄົມແຫ່ງຊາດ, ມີຜູ້ຕາງຈາກສະມາຄົມອຸດສາຫະກໍາ ຕັດຫຍິບລາວ ແລະ ຫົວໜ່ວຍແຮງງານຂະແໜງການຕັດຫຍິບຈາກ 30 ຫົວໜ່ວຍ ພ້ອມດ້ວຍພະນັກງານ ອປຊ ເຂົ້າຮ່ວມຢ່າງພ້ອມພຽງ.

   ທ່ານ ດຣ ນາງ ວັນໄຊ ສຸວັນນະເມທີ ປະທານກອງປະຊຸມໄດ້ກ່າວວ່າ: ຈຸດປະສົງໃນການຈັດກອງປະຊຸມໃນຄັ້ງນີ້ ກໍ່ເພື່ອສ້າງຄວາມຮັບຮູ້ ແລະ ຄວາມເຂົ້າໃຈຕໍ່ກັບວຽກງານປະກັນສັງຄົມ ໂດຍສະເພາະຂະແໜງການຕັດຫຍິບຂອງພວກເຮົາ ເພື່ອ ຮັບປະກັນໃນສິດຜົນປະໂຫຍດ ຂອງຕົນກໍ່ຄື ການຄູ້ມຄອງ 9 ປະເພດການອຸດໜູນພາຍໃຕ້ກົດໝາຍ ພ້ອມທັງເປັນການປຸກລະດົມ ຂົນຂວາຍບັນດາຫົວໜ່ວຍວິສາຫະກິດ ທີ່ຍັງບໍ່ທັນເຂົ້າເຖິງລະບົບປະກັນສັງຄົມ ໃຫ້ເຫັນໄດ້ເຖີງຄວາມສໍາຄັນວຽກງານດັ່ງກ່າວ, ພ້ອມທັງ ເປັນການແລກປ່ຽນ ປະກອບຄໍາຄິດຄໍາເຫັນ ແລະ ຖອດຖອນບົດຮຽນເພື່ອພັດທະນາວຽກງານດັ່ງກ່າວ ໃຫ້ເປັນທີເພິ່ງພໍໃຈຂອງ ສະມາຊິກຫຼາຍຂື້ນໄປເລື້ອຍໆ.

ກອງປະຊຸມ ໄດ້ຮັບຟັງບົດບັນຍາຍວິດີໂອທີ່ລົງເລິກກ່ຽວກັບພັນທະ ສິດ ແລະ ຜົນປະໂຫຍດທີ່ຈະໄດ້ຮັບໃນການເຂົ້າເປັນສະມາຊິກ ປະກັນສັງຄົມ ແລະ ວິທີການຄິດໄລ່ໃນອຸດໜູນແຕ່ລະປະເພດ ພາຍໃຕ້ກົດໝາຍວ່າດ້ວຍການປະກັນສັງຄົມ (ສະບັບປັບປຸງ) ເລກທີ 54/ສພຊ ໂດຍການນໍາສະເໜີຂອງທ່ານ ນາງ ດວງເດືອນ ຈັນທະວົງ ຫົວໜ້າພະແນກໂຄສະນາ-ປະຊາສໍາພັນ ຂອງ ອປຊ ພ້ອມທັງມີການ ແລກປ່ຽນຖາມ-ຕອບ ຮ່ວມກັບບັນດາແຂກທີ່ເຂົ້າຮ່ວມກອງປະຊຸມໃນຄັ້ງນີ້ ດ້ວຍຄວາມຈິງໃຈແລະກົງໄປກົງມາ, ເຊິ່ງເຫັນໄດ້ວ່າ ບັນຫາພົ້ນເດັ່ນທີ່ຜູ້ເຂົ້າຮ່ວມໃຫ້ຄວາມສົນໃຈ ແມ່ນການຄຸ້ມຄອງອຸດໜູນວ່າງງານສະເພາະໂຄວິດ-19 ໃນໄລຍະທີ່ ໄດ້ຮັບຜົນກະທົບ ການວ່າງງານ, ບັນຫາການລະບຸຂໍ້ມູນໃນເອກະສານຂອງແພດໝໍທີ່ບໍ່ຊັດເຈນ ສົ່ງຜົນໃຫ້ຜູ້ປະກັນຕົນບໍ່ສາມາດຮ້ອງຂໍເງິນອຸດໜູນ ນໍາປະກັນສັງຄົມໄດ້ຢ່າງທັນການ, ການໃຫ້ບໍລິການຂອງແພດໝໍ ແລະອື່ນໆ.

ພາບ-ຂ່າວໂດຍ: ພະແນກໂຄສະນາ-ປະຊາສໍາພັນ

портал недвижимости
автомобильные запчасти