ຊອກຜູ້ເກີດສິດ

ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 23/11/2020 ເວລາ 15:30


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 23/11/2020 ເວລາ 15:30

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໃນໂມງການ)

ແຜ່ນພັບ

ພາກລັດຖະກອນ
ແຜ່ນພັບພາກວິສາຫະກິດ
ແຜ່ນພັບພາກສະໝັກໃຈ

ກອງປະຊຸມສະພາບໍລິຫານ ຄັ້ງປະຖົມມະລຶກ ຂອງອົງການປະກັນສັງຄົມແຫ່ງຊາດ (ອປຊ).

alt
ກອງປະຊຸມສະພາບໍລິຫານ ຄັ້ງປະຖົມມະລຶກ ຂອງອົງການປະກັນສັງຄົມແຫ່ງຊາດ (ອປຊ) ໄດ້ໄຂຂື້ນຢ່າງເປັນທາງການໃນຕອນເຊົ້າຂອງວັນທີ 08 ຕຸລາ 2020ນີ້ ທີ່ຫ້ອງປະຊຸມໃຫຍ່ຂອງອົງການປະກັນສັງຄົມແຫ່ງຊາດ ນະຄອນຫຼວງວຽງຈັນ,


ໂດຍການເປັນປະທານຂອງທ່ານ ປອ ຄໍາແພງ ໄຊສົມແພງ ກໍາມະການສູນກາງພັກ ເລຂາຄະນະພັກ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ທັງເປັນປະທານສະພາບໍລິຫານຂອງອົງການປະກັນສັງຄົມແຫ່ງຊາດ, ມີຮອງປະທານ, ຄະນະກໍາມະການ ສະພາບໍລິຫານ ອປຊ ພ້ອມດ້ວຍພະແນກການທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ.

ກອງປະຊຸມໃນຄັ້ງນີ້ ແມ່ນໄຂຂື້ນໃນທ່າມກາງທີ່ທົ່ວພັກທົ່ວລັດກ້າວໄປສູ່ໄລຍະທ້າຍສະໄໝຂອງມະຕິກອງປະຊຸມໃຫຍ່ຄັ້ງທີ X ຂອງພັກ ເວົ້າລວມ ເວົ້າສະເພາະກໍ່ຄືການສຸມໃສ່ສະຫຼຸບຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງ ຮສສ ແລະ ແຜນພັດທະນາວຽກງານແຮງງານ ແລະ ສະຫວັດດີການສັງຄົມຄັ້ງທີ 4 ສະໄໝທີ V ເພື່ອກະກຽມດໍາເນີນ ກອງປະຊຸມໃຫຍ່ຜູ້ແທນອົງຄະນະພັກກະຊວງ ຮສສ ຄັ້ງທີ VI. ຈຸດປະສົງຂອງການຈັດກອງປະຊຸມສະພາບໍລິຫານ ອປຊ ກໍ່ເພື່ອເປັນການຜ່ານຮ່າງບົດສະຫຼຸບການຈັດຕັ້ງປະຕິບັດວຽກງານປິ່ນອ້ອມຂອງອົງການປະກັນສັງຄົມແຫ່ງຊາດໃນໄລຍະ 09 ເດືອນ ແລະ ແຜນການງວດ IV ປີ 2020 ໂດຍການລາຍງານຂອງທ່ານ ນາງ ແກ້ວ ຈັນທະວີໄຊ ຫົວໜ້າອົງການປະກັນສັງຄົມແຫ່ງຊາດ, ເຊິ່ງທ່ານໄດ້ລາຍງານໃຫ້ຮູ້ກ່ຽວກັບຜົນສໍາເລັດຂອງວຽກງານຈຸມສຸມ ເປັນຕົ້ນແມ່ນ: ສໍາເລັດການຈັດພິທີປະກາດການຈັດຕັ້ງຂອງ ອົງການປະກັນສັງຄົມແຫ່ງຊາດ, ສໍາເລັດການຈັດກອງປະຊຸມໃຫຍ່ໜ່ວຍພັກຂອງອົງການປະກັນສັງຄົມແຫ່ງຊາດຄັ້ງທີ I ແລະ ຈັດຕັ້ງພິທີປະກາດການແຕ່ງຕັ້ງຄະນະສະພາບໍລິຫານ ອປຊ ຊຸດໃໝ່, ສໍາເລັດການລົງຕິດຕັ້ງ ແລະ ຝຶກອົບຮົມລະບົບໂປຼແກຼມ ຜູ້ສະໝັກໃຈໃຫ້ສາມາດຮັບເງິນສົມທົບລ່ວງໜ້າຕາມອາຍຸສັນຍາ ແລະ ການຮັບເງິນສົມທົບຂອງຜູ້ສະໝັກໃຈຜ່ານປ່ອງບໍລິການຂອງ ທະນາຄານພັດທະນາລາວ ໃຫ້ຫ້ອງການປະກັນສັງຄົມແຂວງໃນຂອບເຂດທົ່ວປະເທດ, ສົມທົບກະຊວງປ້ອງກັນປະເທດ ແລະ ກະຊວງປ້ອງກັນຄວາມສະຫງົບ ເພື່ອປຶກສາຫາລືກ່ຽວກັບການຈັດຕັ້ງປະຕິບັດບົດບັນທຶກການມອບໂອນ ເພື່ອໃຫ້ສອງພາກສ່ວນ ສາມາດດໍາເນີນການຈັດຕັ້ງປະຕິບັດການເບີກຈ່າຍເງິນອຸດໜູນຄົບຊຸດໄດ້ດ້ວຍຕົນເອງໃນປີ 2021 ເປັນຕົ້ນໄປ ແລະອື່ນໆ. ນອກນັ້ນກອງປະຊຸມຍັງໄດ້ຜ່ານຮ່າງຂໍ້ຕົກລົງວ່າດ້ວຍການຈັດຕັ້ງ ແລະ ການເຄື່ອນໄຫວຂອງສະພາບໍລິຫານ, ການແບ່ງໜ້າທີ່ ຄວາມຮັບຜິດຊອບ ແລະ ຂໍ້ຕົກລົງວ່າດ້ວຍການແຕ່ງຕັ້ງກອງເລຂາ ນໍາອີກ.

ໃນໂອກາດດັ່ງກ່າວ ທ່ານ ປອ ຄໍາແພງ ໄຊສົມແພງ ລັດຖະມົນຕີກະຊວງ ແຮງງານ ແລະ ສະຫວັດດີການສັງຄົມ ປະທານສະພາບໍລິຫານອົງການປະກັນສັງຄົມແຫ່ງຊາດ ໄດ້ຕີລາຄາສູງຕໍ່ກັບຜົນສໍາເລັດຂອງວຽກງານອົງການປະກັນສັງຄົມທີ່ຍາດມາໄດ້ ແລະ ພ້ອມກັນເພີ່ມຄວາມເອົາໃຈໃສ່ໃນການພັດທະນາປັບປຸງບັນຫາຂໍ້ຄົງຄ້າງເພື່ອຮັບປະກັນໃຫ້ວຽກງານມີຜົນສໍາເລັດຢ່າງຮອບດ້ານ ໂດຍອີງໃສ່ຂອດການປະສານງານທີ່ດີ, ນອກນັ້ນທ່ານຍັງໄດ້ໃຫ້ຮູ້ອີກວ່າ: ໃນໄລຍະການແຜ່ລະບາດຂອງເຊື້ອພະຍາດໂຄວິດ-19 ແມ່ນໄດ້ສົ່ງຜົນກະທົບເປັນວົງກ້ວາງຕໍ່ກັບເສດຖະກິດ-ສັງຄົມແຫ່ງຊາດ, ສະເພາະວຽກງານແຮງງານ ແລະ ສະຫວັດດີການສັງຄົມ ມີບາງແຜນງານຕ້ອງໄດ້ຢຸດສະຫງັກ ແຕ່ດ້ວຍຄວາມເອົາໃຈໃສ່ຢ່າງໃກ້ສິດຂອງຄະນະພັກ, ຄະນະນໍາ ແລະ ຄວາມເປັນເຈົ້າການ ໃນການຊີ້ນໍາ-ນໍາພາຢ່າງມີຈຸດສຸມ ແລະ ຄວາມຮັບຜິດຊອບສູງ ເຮັດໃຫ້ວຽກງານແຮງງານ ແລະ ສະຫວັດດີການສັງຄົມ ສາມາດບັນລຸລ່ວງໄປໄດ້ ໂດຍສະເພາະແມ່ນວຽກງານປະກັນສັງຄົມ ທີ່ຍັງສາມາດສືບຕໍ່ດໍາເນີນໃຫ້ບໍລິການສະໜອງເງິນອຸດໜູນ ປະເພດຕ່າງໆ ໃຫ້ແກ່ຜູ້ປະກັນຕົນໄດ້ເປັນທີ່ເພິ່ງພໍໃຈ, ຄຽງຄູ່ກັນນັ້ນກໍ່ໄດ້ສະແດງໃຫ້ເຫັນເຖິງຄວາມເອົາໃຈໃສ່ຂອງຄະນະສະພາບໍລິຫານທັງໝົດ ໃນໄລຍະທີ່ຜ່ານມາ.

ກອງປະຊຸມສະພາບໍລິຫານຂອງ ອປຊ ຄັ້ງປະຖົມມະລຶກໃນຄັ້ງນີ້ ແມ່ນມີຂື້ນພາຍຫຼັງໄດ້ຮັບການປະກາດການໂຮມຕົວຂອງ ກົມປະກັນສັງຄົມ ແລະ ຫ້ອງການກອງທຶນປະກັນສັງຄົມແຫ່ງຊາດ ເຂົ້າເປັນ ອົງການປະກັນສັງຄົມແຫ່ງຊາດ ຢູ່ຂັ້ນສູນກາງ ໃນເດືອນມິຖຸນາ 2020 ແລະ ໂຮມເອົາຂະແໜງປະກັນສັງຄົມ ແລະ ສູນບໍລິການກອງທຶນປະກັນສັງຄົມ ຢູ່ຂັ້ນແຂວງ ເຂົ້າເປັນ ຫ້ອງການປະກັນສັງຄົມແຂວງ ທັງນີ້ກໍ່ເພື່ອຮັບປະກັນການຈັດຕັ້ງປະຕິບັດວຽກງານປະກັນສັງຄົມຢ່າງລວມສູນພາຍໃຕ້ກົດໝາຍວ່າດ້ວຍ ການປະກັນສັງຄົມສະບັບປັບປຸງ. ກອງປະຊຸມນອກຈາກຈະມີການປະກອບຄໍາຄິດຄໍາເຫັນຢ່າງກົງໄປກົງມາແລ້ວ ຍັງໄດ້ມີການຮັບເອົາ ຂໍ້ສະເໜີ ແລະ ຮັບຮອງເອົາວຽກງານສໍາຄັນຕ່າງໆຕື່ມອີກ. ກອງປະຊຸມສະພາບໍລິຫານ ອປຊ ຄັ້ງທີ I ໄດ້ດໍາເນີນໄປດ້ວຍຜົນສໍາເລັດ ໃນເວລາ 12:00 ໂມງ.

ພາບ-ຂ່າວໂດຍ: ພະແນກໂຄສະນາ-ປະຊາສໍາພັນ.