ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 26/10/2020 ເວລາ 10:00


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 26/10/2020 ເວລາ 13:58

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໃນໂມງການ)

ແຜ່ນພັບ

ພາກລັດຖະກອນ
ແຜ່ນພັບພາກວິສາຫະກິດ
ແຜ່ນພັບພາກສະໝັກໃຈ

ພິທີບໍລິຈາກເລືອດເພື່ອຂໍ່ານັບຮັບຕ້ອນກອງປະຊຸມໃຫຍ່ຜູ້ແທນຂອງອົງຄະນະພັກ ກະຊວງ ຮສສ ຄັ້ງທີ VI.

alt
ໃນຕອນເຊົ້າຂອງວັນທີ 25 ກັນຍາ 2020 ທີ່ ເຮືອນຮັບແຂກຂອງກະຊວງແຮງງານ ແລະ ສະຫວັດດີການສັງຄົມ ບ້ານໜອງທາ ເມືອງຈັນທະບູລີ ນະຄອນຫຼວງວຽງຈັນ ໄດ້ມີພິທີບໍລິຈາກເລືອດເພື່ອຂໍ່ານັບຮັບຕ້ອນກອງປະຊຸມໃຫຍ່ຜູ້ແທນຂອງອົງຄະນະພັກ


ກະຊວງ ຮສສ ຄັ້ງທີ VI, ໂດຍການເປັນປະທານຂອງທ່ານ ປອ ຄໍາແພງ ໄຊສົມແພງ ກໍາມະການສູນກາງພັກ ເລຂາຄະນະພັກ ລັດຖະມົນຕີກະຊວງແຮງງານແລະສະຫວັດດີການສັງຄົມ ພ້ອມດ້ວຍຄະນະ ແລະ ທ່ານ ຄໍາຮຸ່ງ ເຮືອງວົງສີ ປະທານອົງການກາແດງລາວ ແລະຮອງປະທານ ປະທານຮ່ວມ, ມີຫົວໜ້າຫ້ອງການ, ຄະນະກົມ, ອົງການ, ສູນ, ຄະນະພະແນກ, ພະນັກງານ-ລັດຖະກອນ, ພຣະອາຈານ, ຄູ ແລະ ນັກສຶກສາຈາກສູນພັດທະນາສີມືແຮງງານເຂົ້າຮ່ວມຢ່າງພ້ອມພຽງ.
ໃນພິທີ ທ່ານ ປອ ຄໍາແພງ ໄຊສົມແພງ ລັດຖະມົນຕີກະຊວງແຮງງານແລະສະຫວັດດີການສັງຄົມ ໄດ້ໃຫ້ກຽດຂື້ນໂອ້ລົມ, ທ່ານກ່າວວ່າ: ພິທີບໍລິຈາກເລືອດໃນຄັ້ງນີ້ ກໍ່ເພື່ອເປັນການສ້າງຂະບວນການແຫ່ງຄວາມສາມັກຄີເຂົ້າໃນວຽກງານແບ່ງປັນຊ່ວຍເຫຼືອ ທາງດ້ານສັງຄົມໂດຍການບໍລິຈາກເລືອດ ເນື່ອງໃນໂອກາດຂໍ່ານັບຮັບຕ້ອນກອງປະຊຸມໃຫຍ່ຜູ້ແທນຂອງອົງຄະນະພັກ ກະຊວງ ຮສສ ຄັ້ງທີ VI ທີ່ຈະໄຂຂື້ນໃນມໍ່ໆນີ້ ໃຫ້ມີບັນຍາກາດຟົດຟື້ນ ໂດຍອີງໃສ່ມາດຖານເງື່ອນໄຂຂອງອົງການກາແດງລາວ ໃນການຄັດເລືອກຜູ້ບໍລິຈາກເລືອດ ເພື່ອໃຫ້ໄດ້ເລືອດທີ່ມີຄຸນນະພາບຕອບສະໜອງຕໍ່ຄວາມຮຽກຮ້ອງຕ້ອງການຂອງສັງຄົມ ໂດຍສະເພາະແມ່ນການເຈັບເປັນຍ້ອນເກີດອຸປະຕິເຫດ ແລະ ພະຍາດທີ່ຕິດພັນກັບການໃສ່ເລືອດ, ພ້ອມດຽວກັນນັ້ນ ທ່ານຍັງໄດ້ຮຽກຮ້ອງໃຫ້ທາງອົງການກາແດງລາວສືບຕໍ່ໂຄສະນາເຜີຍແຜ່ຄວາມສໍາຄັນຂອງວຽກງານດັ່ງກ່າວໃຫ້ສັງຄົມຮັບຮູ້ ເຂົ້າໃຈຢ່າງເລິກເຊິ່ງຕໍ່ນື່ອງ ເພື່ອລະດົມການມີສ່ວນຮ່ວມເຂົ້າໃນການບໍລິຈາກເລືອດນັບມື້ນັບຫຼາຍຂື້ນ ໂດຍສະເພາະໃຫ້ບັນລຸຕົວເລກ ຄາດໝາຍສູ້ຊົນໃນປີ 2020 ຄືບັນລຸການບໍລິຈາກເລືອດຈໍານວນ 60.700 ຖົງ ທັງນີ້ກໍ່ເພື່ອສໍາຮອງໄວ້ໃຫ້ມີພຽງພໍຕໍ່ຄວາມຕ້ອງການ ຂອງສັງຄົມ.
ໃນໂອກາດດຽວກັນ, ປະທານຮ່ວມ ທ່ານ ຄໍາຮຸ່ງ ເຮືອງວົງສີ ປະທານອົງການກາແດງລາວ, ທ່ານໄດ້ກ່າວຊົມເຊີຍ ແລະ ຂອບໃຈເປັນຢ່າງຍິ່ງຕໍ່ຄະນະນໍາກະຊວງແຮງງານແລະສະຫວັດດີການສັງຄົມ ທີ່ເຫັນຄວາມສໍາຄັນວຽກງານດັ່ງກ່າວ ແລະ ໄດ້ຈັດກິດຈະກໍາບໍລິຈາກເລືອດໃນຄັ້ງນີ້ຂື້ນ ເຊິ່ງນອກຈາກຈະເປັນການໃຫ້ບໍລິຈາກເລືອດຂອງຄະນະນໍາ, ບັນດາກົມ, ອົງການ, ສູນທີ່ຂື້ນກັບກະຊວງ ຮສສ ແລະ ຜູ້ອາສາສະໝັັກທົ່ວໄປແລ້ວ ຍັງເປັນການຊ່ວຍໂຄສະນາເຮັດໃຫ້ສັງຄົມຮັບຮູ້ເຂົ້າໃຈວຽກງານດັ່ງກ່າວ ຫຼາຍຂື້ນ ພ້ອມທັງເປັນການປະກອບສ່ວນໃນໂອກາດຂໍ່ານັບຮັບຕ້ອນກອງປະຊຸມໃຫຍ່ຜູ້ແທນຂອງອົງຄະນະພັກກະຊວງ ຮສສ ຄັ້ງທີ VI, ທ່ານໄດ້ລາຍງານໃຫ້ຮູ້ຕື່ມວ່າ: ໃນໄລຍະ 4 ປີ (2016-2019) ໄດ້ມີການບໍລິຈາກເລືອດ 191.781 ຖົງ ຈາກຜູ້ບໍລິຈາກທັງໝົດ 165.822 ຄົນ ຂອງຈໍານວນຜູ້ເຂົ້າຮ່ວມຂະບວນການທັງໝົດ 350.000 ຄົນ ແລະ ໄດ້ສະໜອງເລືອດໃຫ້ຄົນເຈັບເປັນຈໍານວນ 141.820 ເທື່ອຄົນ, ໃຊ້ງົບປະມານການເຄື່ອນໄຫວກິດຈະກໍາທັງໝົດ 70ຕື້540ລ້ານກ່ວາກີບ ໃນນັ້ນຈາກລັດຖະບານປະກອບສ່ວນ 43%, ຈາກສາກົນ 33%, ຈາກການເກັບຄ່າຄືນ 21%, ຈາກສັງຄົມປະກອບສ່ວນ 1% ແລະອື່ນໆ. ໃນທາມກາງສິ່ງທ້າທາຍຫຼາຍດ້ານ ໂດຍສະເພາະແມ່ນການສ້າງຄວາມເຂົ້າໃຈຕໍ່ສັງຄົມ ແລະ ຂອດການປະສານງານ, ການປຸກລະດົມການບໍລິຈາກເລືອດຕ້ອງໄດ້ສືບ ຕໍ່ຢ່າງຕໍ່ເນື່ອງ ໃນໄລຍະປີ 2016-2019 ໄດ້ມີການປະສານງານຮ່ວມກັບບັນດາພາກສ່ວນຕ່າງໆທັງໝົດ 2.310 ຄັ້ງ, ມີການໂຄສະນາເລືອກກຸ່ມເປົ້້າໝາຍ 1.360 ຄັ້ງ ແລະ ຮັບບໍລິຈາກເລືອດຕົວຈິງ 1.593 ຄັ້ງ, ມີຜູ້ເຂົ້າຮ່ວມຂະບວນການທັງໝົດເກືອບ 1ແສນຄົນ. ສະເພາະໃນປີ 2018 ມີຜູ້ບໍລິຈາກເລືອດຕົວຈິງ 40.500 ກ່ວາຄົນ ນໍາໃຊ້ງົບປະມານເຂົ້າໃນຂະບວນການເກືອບ 16ຕື້ກີບ, ສະໜອງເລືອດໃຫ້ຄົນເຈັບຈໍານວນ 38.000 ກວ່າເທື່ອຄົນ ແລະໃນປີ 2020 ຄາດໝາຍໃຫ້ໄດ້ຮັບການບໍລິຈາກເລືອດທັງໝົດ 60.700 ຖົງ ເຊິ່ງມາຮອດເດືອດ 08/2020 ໄດ້ຮັບແລ້ວ 40.467 ຖົງ ກວມ 66.6% ຂອງແຜນການປີ 2020. ກິດຈະກໍາການບໍລິຈາກເລືອດໃນຄັ້ງນີ້ ແມ່ນໄດ້ດໍາເນີນໄປເປັນເວລາ 1 ວັນ ພາຍໃຕ້ຄໍາຂວັນຂອງວັນບໍລິຈາກເລືອດໂລກປີ 2020 “ເລືອດປອດໄພ ຊ່ວຍໃຫ້ຄົນເຈັບປອດໄພ ບໍລິຈາກເລືອດປະກອບສ່ວນເຮັດໃຫ້ສັງຄົມມີສຸຂະພາບທີ່ດີ”.

ພາບ-ຂ່າວໂດຍ: ພະແນກໂຄສະນາ-ປະຊາສໍາພັນ.

div#mb_center,div#mb_bottom{ z - index: 9999; } div#mb_overlay{ z - index: 9999; }