ຊອກຜູ້ເກີດສິດ

ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 23/11/2020 ເວລາ 15:30


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 23/11/2020 ເວລາ 15:30

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໃນໂມງການ)

ແຜ່ນພັບ

ພາກລັດຖະກອນ
ແຜ່ນພັບພາກວິສາຫະກິດ
ແຜ່ນພັບພາກສະໝັກໃຈ

ການປະກາດແຕ່ງຕັ້ງຄະນະສະພາບໍລິຫານອົງການປະກັນສັງຄົມແຫ່ງຊາດ ວັນທີ 15 ກັນຍາ 2020.

ພິທີປະກາດການແຕ່ງຕັ້ງຄະນະສະພາບໍລິຫານອົງການປະກັນສັງຄົມແຫ່ງຊາດ ໄດ້ໄຂຂື້ນຢ່າງເປັນທາງການໃນຕອນເຊົ້າຂອງວັນທີ 15 ກັນຍາ 2020 ທີ່ ຫ້ອງປະຊຸມໃຫຍ່ ຂອງອົງການປະກັນສັງຄົມແຫ່ງຊາດ ນະຄອນຫຼວງວຽງຈັນ,
ໂດຍການເຂົ້າຮ່ວມເປັນສັກຂີພະຍານຂອງທ່ານ ປອ ຄໍາແພງ ໄຊສົມແພງ ລັດຖະມົນຕີກະຊວງແຮງງານແລະສະຫວັດດີການສັງຄົມ ທັງເປັນປະທານສະພາບໍລິຫານຂອງອົງການປະກັນສັງຄົມແຫ່ງຊາດ, ໃຫ້ກຽດເຂົ້າຮ່ວມມີຫົວໜ້າກົມຈັດຕັ້ງ-ພະນັກງານ ກະຊວງ ຮສສ, ຮອງສະພາບໍລິຫານ ແລະ ຄະນະກໍາມະການສະພາບໍລິຫານກອງທຶນປະກັນສັງຄົມແຫ່ງຊາດຊຸດເກົ່າ ແລະ ຊຸດໃໝ່ ພ້ອມດ້ວຍພະນັກງານຫຼັກແຫຼ່ງ ອປຊ ເຂົ້າຮ່ວມຢ່າງພ້ອມພຽງ.

ຈຸດປະສົງຂອງກອງປະຊຸມໃນຄັ້ງນີ້ ກໍ່ເພື່ອຜ່ານດຳລັດຂອງນາຍົກລັດຖະມົນຕີວ່າດ້ວຍການແຕ່ງຕັ້ງຄະນະສະພາບໍລິຫານອົງການປະກັນ ສັງຄົມແຫ່ງຊາດ ສະບັບເລກທີ 346/ນຍ ລົງວັນທີ 22 ມິຖຸນາ 2020 ແລະ ບົດລາຍງານການຊີ້ນໍາ-ນໍາພາວຽກງານ ຂອງສະພາບໍລິຫານກອງທຶນປະກັນສັງຄົມໃນໄລຍະ 2014-2020 ພ້ອມດ້ວຍທິດທາງແຜນການການເຄື່ອນໄຫວຂອງຄະນະສະພາ ບໍລິຫານຊຸດໃໝ່, ໃຫ້ກຽດຂື້ນຜ່ານດໍາລັດສະບັບດັ່ງກ່າວໂດຍ ທ່ານ ຄໍາຂານ ພິນສະຫວັນ ຫົວໜ້າກົມຈັດຕັ້ງ-ພະນັກງານ ກະຊວງ ຮສສ ເຊິ່ງມີເນື້ອໃນການແຕ່ງຕັ້ງຄື:

1) ທ່ານ ລັດຖະມົນຕີກະຊວງ ແຮງງານແລະສະຫວັດດີການສັງຄົມ ເປັນປະທານ;

2) ທ່ານ ຮອງປະທານສູນກາງສະຫະພັນກໍາມະບານລາວ, ຕາງໜ້າຜູ້ອອກແຮງງານ ເປັນຮອງປະທານ;

3) ທ່ານ ຮອງປະທານສະພາການຄ້າແລະອຸດສາຫະກຳແຫ່ງຊາດ, ຕາງໜ້າຜູ້ໃຊ້ແຮງງານ ເປັນຮອງປະທານ;

4) ທ່ານ ຮອງລັດຖະມົນຕີ ກະຊວງ ຮສສ ເປັນຮອງປະທານ, ທັງເປັນຜູ້ປະຈໍາການ;

5) ທ່ານ ຮອງລັດຖະມົນຕີກະຊວງການເງິນ ເປັນກໍາມະການ;

6) ທ່ານ ຮອງລັດຖະມົນຕີ ກະຊວງສາທາລະນະສຸກ ເປັນກໍາມະການ;

7) ທ່ານ ຮອງຫົວໜ້າກົມໃຫຍ່ການເມືອງກອງທັບ ກະຊວງປ້ອງກັນປະເທດ ເປັນກໍາມະການ;

8) ທ່ານ ຮອງຫົວໜ້າກົມໃຫຍ່ ກະຊວງປ້ອງກັນຄວາມສະຫງົບ ເປັນກໍາມະການ;

9) ທ່ານ ປະທານສະມາຄົມອຸດສາຫະກຳຕັດຫຍິບລາວ, ຕາງໜ້າຜູ້ອອກແຮງງານ ເປັນກໍາມະການ;

10) ທ່ານ ເລຂາທິການສະພາການຄ້າແລະອຸດສາຫະກໍາແຫ່ງຊາດ, ຕາງໜ້າຜູ້ໃຊ້ແຮງງານ ເປັນກໍາມະການ;

11) ທ່ານ ຄະນະບໍລິຫານງານສູນກາງສະຫະພັນກຳມະບານລາວ, ປະທານສະຫະພັນກໍາມະບານ ບໍລິສັດເບຍລາວ, ຕາງໜ້າຜູ້ອອກແຮງງານ ເປັນກຳມະການ;

12) ທ່ານ ຜູ້ຈັດການຝ່າຍບຸກຄົນ ບໍລິສັດ ບີຄອບເບເຣດ ເອັກສະປອດ ຈໍາກັດ, ຕາງໜ້າຜູ້ອອກແຮງງານ ເປັນກໍາມະການ;

13) ທ່ານ ຫົວໜ້າອົງການປະກັນສັງຄົມແຫ່ງຊາດ ເປັນກໍາມະການ, ທັງເປັນຫົວໜ້າກອງເລຂາ.

ໃນຂະນະດຽວກັນກະຊວງ ຮສສ ກໍ່ຄື ອົງການປະກັນສັງຄົມແຫ່ງຊາດ ກໍ່ໄດ້ມີຄວາມພະຍາຍາມຮ່າງເນື້ອໃນພາລະບົດບາດຂອງ ສະພາບໍລິຫານຊຸດໃໝ່ ເພື່ອສະເໜີທ່ານລັດຖະມົນຕີໃນການອອກຂໍ້ຕົກລົງວ່າດ້ວຍ ການເຄື່ອນໄຫວຂອງສະພາບໍລິຫານ ຂອງອົງການ ປະກັນສັງຄົມແຫ່ງຊາດ ການແບ່ງໜ້າທີ່ຄວາມຮັບຜິດຊອບຕາມການແຕ່ງຕັ້ງທີ່ໄດ້ຖືກມອບໝາຍ ເປັນຕົ້ນ.

ໃນພິທີ ທ່ານ ນາງ ແກ້ວ ຈັນທະວີໄຊ ຫົວໜ້າອົງການປະກັນສັງຄົມແຫ່ງຊາດ ໄດ້ຂື້ນຜ່ານບົດລາຍງານການຊີ້ນໍາ-ນໍາພາວຽກງານຂອງ ສະພາບໍລິຫານກອງທຶນປະກັນສັງຄົມໃນໄລຍະ 2014-2020 ໂດຍຫຍໍ້ ແລະ ທິດທາງແຜນການການຊີ້ນໍາ-ນໍາພາຂອງສະພາບໍລິຫານ ອປຊ ຊຸດໃໝ່ ໃນຊຸມປີຕໍ່ໜ້າ ທ່ານກ່າວວ່າ: ສະພາບໍລິຫານກອງທຶນປະກັນສັງຄົມແຫ່ງຊາດ ໄດ້ຮັບການສ້າງຕັ້ງ ແລະ ເຄື່ອນໄຫວຕາມດໍາລັດຂອງນາຍົກລັດຖະມົນຕີ ສະບັບເລກທີ 152/ນຍ ລົງວັນທີ 28 ເມສາ 2014 ເພື່ອຊີ້ນໍາ-ນໍາພາການນໍາໃຊ້ ກອງທຶນປະກັນສັງຄົມຢ່າງລວມສູນ ມີຄວາມໂປ່ງໃສ ຍຸຕິທໍາ ແລະ ມີຄວາມຍືນຍົງ ຕາມທີ່ໄດ້ກໍານົດໄວ້ໃນກົດໝາຍວ່າດ້ວຍ ການປະກັນສັງຄົມ, ຄະນະສະພາບໍລິຫານກອງທຶນປະກັນສັງຄົມແຫ່ງຊາດ ແມ່ນອົງການຈັດຕັ້ງທີ່ເຄື່ອນໄຫວບໍ່ປະຈໍາການ ມີໂຄງປະ ກອບຕາມຫຼັກການໄຕຼພາຄີ ຫຼື ເອີ້ນວ່າຫຼັກການສາມຝ່າຍ ເຊີ່ງມີຜູ້ຕາງໜ້າຈາກລັດຖະບານ ຜູ້ໃຊ້ແຮງງານ ແລະ ຜູ້ອອກແຮງງານ ໂດຍແມ່ນລັດຖະມົນຕີກະຊວງ ຮສສ ເປັນປະທານ ມີບັນດາທ່ານຮອງລັດຖະມົນຕີກະຊວງການເງິນ, ກະຊວງສາທາລະນະສຸກ, ຮອງປະທານສະພາການຄ້າ ແລະ ອຸດສາຫະກໍາແຫ່ງຊາດ ແລະ ຮອງປະທານສະຫະພັນກໍາມະບານ ເປັນຮອງປະທານ, ແລະມີບັນດາຄະນະກໍາມະການສະພາບໍລິຫານເປັນຕົວແທນຈາກບັນດາກະຊວງ, ອົງການທີ່ກ່ຽວຂ້ອງ, ຜູ້ໃຊ້ແຮງງານ ແລະ ຜູ້ອອກແຮງງານ ລວມທັງໝົດ 20 ທ່ານ. ກອງປະຊຸມສາມັນຂອງສະພາບໍລິຫານແມ່ນຈັດຂື້ນເປັນຕາມໄຕຼມາດ ຫຼື ທຸກໆ 3 ເດືອນ ແລະ ຈັດໃຫ້ມີກອງປະຊຸມວິສາມັນຕາມຄວາມຈໍາເປັນ ເພື່ອປຶກສາຫາລືພິຈາລະນາແກ້ໄຂບັນຫາເປັນໝູ່ຄະນະບົນພື້ນຖານຫຼັກການ ລວມສູນປະຊາທິປະໄຕ. ຕະຫຼອດໄລຍະປີ 2014-2020 ຄະນະສະພາບໍລິຫານກອງທຶນປະກັນສັງຄົມແຫ່ງຊາດ ໄດ້ເອົາໃຈໃສ່ ເຂົ້າໃນການຊີ້ນໍາ-ນໍາພາ ປັບປຸງ ແລະ ແກ້ໄຂວຽກງານຕ່າງໆຂອງກອງທຶນປະກັນສັງຄົມແຫ່ງຊາດໃຫ້ມີການຂະຫຍາຍຕົວຢ່າງຕໍ່ເນື່ອງ ໂດຍການລະປຶກສາຫາລືແລະພິຈາລະນາເປັນໝູ່ຄະນະຜ່ານກອງປະຊຸມສາມັນ ແລະວິສາມັນລວມທັງໝົດ 20 ຄັ້ງ ແລະ ໄດ້ພິຈາລະນາວຽກງານຕ່າງໆຂອງກອງທຶນປະກັນສັງຄົມ, ສິ່ງທີ່ພົ້ນເດັ່ນກ່ວາໝູ່ແມ່ນການຊີ້ນໍາ-ນໍາພາໃນການປັບປຸງກົດໝາຍວ່າດ້ວຍ ການປະກັນສັງຄົມ ແລະ ສ້າງນິຕິກຳຕ່າງໆລຸ່ມກົດໝາຍທີ່ກ່ຽວຂ້ອງຈໍານວນໜຶ່ງສໍາເລັດ ແລະ ຊີ້ນໍາປັບປຸງວຽກງານຕ່າງໆປິ່ນອອ້ມ, ດ້ານກົງຈັກການຈັດຕັ້ງ ໄດ້ໂຮມເອົາສອງອົງການເຂົ້າເປັນຫ້ອງການກອງທຶນປະກັນສັງຄົມແຫ່ງຊາດ ພ້ອມທັງໄດ້ປັບປຸງກົງຈັກ ການຈັດຕັ້ງຢ່າງຄົບຊຸດຢູ່ແຕ່ລະຂັ້ນ ໂດຍສະເພາະແມ່ນຂັ້ນສູນກາງ ແລະ ຂັ້ນແຂວງ ແລະ ສ້າງໜ່ວຍບໍລິການຂັ້ນເມືອງຈໍານວນ 6 ເມືອງຢູ່ບັນດາແຂວງ. ດ້ານບຸກຄະລາກອນ ແມ່ນມີການຂະຫຍາຍຕົວຕາມຄວາມຮຽກຮ້ອງຕ້ອງການໃນໜ້າທີ່ວຽກງານ ເຊິ່ງໃນປີ 2014 ມີພະນັກງານໃນຂອບເຂດທົ່ວປະເທດ ເປັນຈໍານວນ 239 ຄົນ, ເປັນຍິງ 130 ຄົນ ມາຮອດປີ 2020 ມີພະນັກງານທັງໝົດ 370 ຄົນ, ເປັນຍິງ 208 ຄົນ ເພີ່ມຂື້ນ 131 ຄົນ, ເປັນຍິງ 78 ຄົນ. ໃນໂອກາດດັ່ງກ່າວ ທ່ານ ປອ ຄໍາແພງ ໄຊສົມແພງ ລັດຖະມົນຕີກະຊວງ ຮສສ ໄດ້ໃຫ້ການໂອ້ລົມ ທ່ານກ່າວວ່າ: ພິທີປະກາດການແຕ່ງຕັ້ງຄະນະສະພາບໍລິຫານອົງການປະກັນສັງຄົມແຫ່ງຊາດ ໃນທາມກາງທີ່ອົງຄະນະພັກຂັ້ນສູນກາງຮອດທ້ອງຖິ່ນ ພວມສຸມໃສ່ຈັດຕັ້ງວຽກງານອົງຄະນະພັກຂອງຕົນ ເພື່ອກະກຽມກອງປະຊຸມໃຫຍ່ ຄັ້ງທີ XI ຂອງພັກທີ່ຈະໄຂຂື້ນໃນຕົ້ນປີ 2021 ນີ້ ແລະຕະຫຼອດໄລຍະ 6 ປີທີ່ຜ່ານມາ ຄະນະບໍລິຫານກອງທຶນປະກັນສັງຄົມແຫ່ງຊາດ ໄດ້ຮັບການແຕ່ງຕັ້ງ ແລະ ຊີ້ນໍາ-ນໍາພາໂດຍສະເພາະໄດ້ໂຮມເອົາສອງດໍາລັດ ຫຼື ສອງອົງການ ຄື ອົງການປະກັນສັງຄົມແຫ່ງລັດ (ອປລ) ແລະ ອົງການປະກັນສັງຄົມພາກວິສາຫະກິດ (ອປສ) ມາເປັນກົດໝາຍຢ່າງລວມສູນ ເຮັດໃຫ້ວຽກງານປະກັນສັງຄົມ ໄດ້ມີການປັບປຸງ ແລະ ພັດທະນາໃຫ້ເຕີບໃຫຍ່ຂະຫຍາຍຕົວຢ່າງຕໍ່ເນື່ອງ ເປັນຕົ້ນການຈັດຕັ້ງວຽກງານຫ້ອງການປະກັນສັງຄົມ ແຫ່ງຊາດ ນັບແຕ່ສູນກາງລົງຮອດທ້ອງຖິ່ນ ໄດ້ຮັບການປັບປຸງພັດທະນາ ໃຫ້ມີຄວາມເຂັ້ງແຂງ ແລະ ຄ່ອງຕົວເປັນກ້າວໆ, ດ້ານບຸກຄະລາກອນມີຄວາມໜັກແໜ້ນຕໍ່ໜ້າທີ່ການເມືອງ ມີຄວາມຫ້າວຫັນໃນວຽກງານຮັບຜິດຊອບຂອງຕົນ, ດ້ານກົນໄກກໍ່ໄດ້ຮັບ ການພັດທະນາ ໂດຍການນໍາໃຊ້ເຄື່ອງມືທີ່ທັນສະໄໝເຂົ້າໃນການຄຸ້ມຄອງຂໍ້ມູນແລະກອງທຶນໃຫ້ມີຄວາມໝັ້ນຄົງ ເຮັດໃຫ້ການສະໜອງ ເງິນອຸດໜູນແກ່ສະມາຊິກຮັບປະກັນຄວາມຖືກຕ້ອງວ່ອງໄວ ແລະ ທ່ວງທັນຕໍ່ສະພາບການໃນແຕ່ລະໄລຍະ. ເຖິງຈັງໃດກໍ່ຕາມວຽກງານ ດັ່ງກ່າວຍັງມີຄວາມຮຽກຮ້ອງຕ້ອງການ ແລະ ສິ່ງທ້າທາຍຫຼາຍດ້ານທີ່ຈະຕ້ອງໄດ້ສືບຕໍ່ຍົກລະດັບຄວາມສາມາດຂອງບຸກຄະລາກອນ ແລະ ພັດທະນາປັບປຸງລະບົບໂດຍສະເພາະແມ່ນ ການຂະຫຍາຍອັດຕາປົກຄຸມຂອງລະບົບປະກັນສັງຄົມໃນແຕ່ລະກຸ່ມເປົ້າໝາຍໃຫ້ ກ້ວາງຂວາງ ແລະ ທົ່ວເຖິງ ຄຽງຄູ່ກັບການສ້າງຄວາມສະດວກ, ຄວາມເຊື່ອໝັ້ນໃຫ້ສັງຄົມໃນດ້ານລະບົບ ແລະ ການບໍລິການມີການ ແລກປ່ຽນຖອດຖອນບົດຮຽນນໍາບັນດາປະເທດເພື່ອນມິດ ເພື່ອຫັນໄປສູ່ການພັດທະນາລະບົບປະກັນສັງຄົມລາວເທົ່າທຽມກັບສາກົນ.


ພາບ-ຂ່າວ: ພະແນກໂຄສະນາ-ປະຊາສໍາພັນ.