ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 21/09/2020 ເວລາ 10:30


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 21/09/2020 ເວລາ 14:03

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໃນໂມງການ)

ແຜ່ນພັບ

ພາກລັດຖະກອນ
ແຜ່ນພັບພາກວິສາຫະກິດ
ແຜ່ນພັບພາກສະໝັກໃຈ

ກອງປະຊຸມເຜີຍແຜ່ກົດໝາຍວ່າດ້ວຍການປະກັນສັງຄົມ ສຳລັບສະມາຊິກສະມາຄົມອຸດສາຫະກຳຕັດຫຍິບລາວ

altກອງປະຊຸມເຜີຍແຜ່ກົດໝາຍວ່າດ້ວຍການປະກັນສັງຄົມ ໃຫ້ຂະແໜງການຕັດຫຍິບພາຍໃນນະຄອນຫຼວງ ໄດ້ຈັດຂື້ນໃນຕອນເຊົ້າຂອງວັນທີ 13 ສິງຫາ 2020

ທີ່ຫ້ອງປະຊຸມໃຫຍ່ຂອງອົງການປະກັນສັງຄົມແຫ່ງຊາດ ນ.ວ ພາຍໃຕ້ການເປັນປະທານຮ່ວມຂອງທ່ານ ປ.ອ ໄຊບັນດິດ ຣາດຊະພົນ ປະທານສະມາຄົມອຸດສາຫະກຳຕັດຫຍິບລາວ (ສອຕລ) ແລະ ທ່ານ ບຸນຍອດ ຈັນທະວອນ ຮອງຫົວໜ້າອົງການປະກັນສັງຄົມແຫ່ງຊາດ (ອປຊ), ເຂົ້າຮ່ວມມີຄະນະອຳນວຍການ ແລະ ຜູ້ຕາງໜ້າຈາກຂະແໜງການຕັດຍິບທີ່ມາຈາກ 40 ບໍລິສັດ, ຄະນະອົງການປະກັນສັງຄົມແຫ່ງຊາດ ພ້ອມດ້ວຍພະນັກງານຕາງໜ້າຈາກບັນດາພະແນກການພາຍໃນ ອປຊ ເຂົ້າຮ່ວມຢ່າງພ້ອມພຽງ.
ຈຸດປະສົງການເຜີຍແຜ່ໃນຄັ້ງນີ້ກໍ່ເພື່ອເປັນການສ້າງຄວາມເຂົ້າໃຈເພີ່ມຕື່ມກ່ຽວກັບວຽກງານປະກັນສັງຄົມພາຍໃຕ້ກົດໝາຍວ່າດ້ວຍການປະກັນສັງຄົມສະບັບປັບປຸງ ໂດຍສະເພາະແມ່ນສິດແລະຜົນປະໂຫຍດທີ່ຈະໄດ້ຮັບໃນການເຂົ້າເປັນສະມາຊິກປະກັນສັງຄົມເວົ້າລວມ ເວົ້າສະເພາະ ກໍ່ຄືອຸດສາຫະກຳຂະແໜງການຕັດຍິບພາຍໃນ ສປປ ລາວ. ໃນໂອກາດດັ່ງກ່າວ, ທ່ານ ປ.ອ ໄຊບັນດິດ ຣາດຊະພົນ ປະທານສະມາຄົມອຸດສະຫະກຳຕັດຫຍິບລາວ ໄດ້ໃຫ້ຮູ້ວ່າ: ສະມາຄົມອຸດສາຫະ ກຳຕັດຫຍິບລາວ ເຮັດໜ້າທີ່ເປັນຜູ້ຄຸ້ມຄອງບັນດາຫົວໜ່ວຍທຸລະກິດ ທີ່ເຄື່ອນໄຫວກ່ຽວກັບເຄື່ອງນຸ່ງຫົ່ມທັງຂອງລັດ ແລະ ເອກະຊົນເຂົ້າເປັນສະມາຄົມອັນໜຶ່ງດຽວ ເພື່ອຄວາມເປັນເອກະພາບໃນການຈັດຕັ້ງນະໂນບາຍ ແລະ ກົດໝາຍຕ່າງໆ, ທັງຊຸກຍູ້ສົ່ງເສີມອຸດສາຫະກຳເຄື່ອງນຸ່ງຫົ່ມໃນ ສປປລາວ ໃຫ້ມີການຂະຫຍາຍຕົວຢ່າງບໍ່ຢຸດຢັ້ງ, ຊຶ່ງໃນປັດຈຸບັນ ທົ່ວປະເທດມີໂຮງງານຕັດຫຍິບທັງໝົດ 78 ແຫ່ງ ໃນນັ້ນມີໂຮງງານທີ່ຜະລິດສົ່ງອອກ 49 ແຫ່ງ ແລະ ໂຮງງານນ້ອຍທີ່ຮັບຜະລິດໃຫ້ໂຮງງານໃຫຍ່ 28 ແຫ່ງ, ມີຜູ້ອອກແຮງງານທັງໝົດ 26.000 ກວ່າຄົນ ໃນນັ້ນແຮງງານເພດຍິງກວມເອົາ 90%, ສະເພາະການສົ່ງອອກໃນປີ 2018 ສູງເຖິງ 182 ລ້ານກວ່າໂດລາສະຫາລັດ ມີການສົ່ງອອກໄປຕະຫຼາດເອີຣົບ ກວມເອົາ 78,5%, ຍີ່ປຸ່ນ 7,9%, ອາເມຣິກາ 3%, ການາດາ 2,8%, ແລະຕະຫຼາດອາຊຽນ 8%.
ທ່ານ ບຸນຍອດ ຈັນທະວອນ ປະທານຮ່ວມກອງປະຊຸມກ່າວວ່າ: ວຽກງານປະກັນສັງຄົມໄດ້ເລີ່ມຈັດຕັ້ງປະຕິບັດພາຍໃຕ້ດຳລັດນັບແຕ່ເດືອນມິຖຸນາ 2001 ເປັນຕົ້ນມາ ຫຼື ເອີ້ນວ່າອົງການປະກັນສັງຄົມພາກວິສາຫະກິດ (ອປສ) ຫຼັງຈາກນັ້ນຈຶ່ງເລີ່ມມີອົງການປະກັນສັງຄົມແຫ່ງລັດ ແລະ ໂຮມສອງອົງການ ຫຼື 2 ດຳລັດ ມາເປັນກົດໝາຍວ່າດ້ວຍການປະກັນສັງຄົມ (ສະບັບທຳອິດ) ໃນເດືອນຕຸລາ 2014 ກ່ອນທີ່ຈະມີການປັບປຸງກົດໝາຍສະບັບດັ່ງກ່າວ ແລະ ຄຳແນະນຳ ຊຶ່ງເລີ່ມຈັດຕັ້ງປະຕິບັດໃນເດືອນພຶດສະພາ 2019 ເປັນຕົ້ນມາ. ນອກນັ້ນ ອປຊ ຍັງມີສະພາບໍລິຫານ ທີ່ເປັນຜູ້ຕາງໜ້າມາຈາກ 3 ຝ່າຍ ຄື ລັດຖະບານ, ຜູ້ໃຊ້ແຮງງານ ແລະ ອອກແຮງງງານ ທີ່ຕິດຕາມ ແລະ ຊີ້ນຳຢ່າງໃກ້ສິດຕໍ່ກັບວຽກງານຂອງ ອປຊ ແລະໃນເດືອນກໍລະກົດ 2019 ທີ່ຜ່ານມາ ທາງ ອປຊ ຍັງໄດ້ມອບວຽກງານປະກັນສຸຂະພາບໃຫ້ທາງຫ້ອງການປະກັນສຸຂະພາບແຫ່ງຊາດ ກະຊວງສາທາລະນະສຸກ ເປັນຜູ້ຄຸ້ມຄອງໂດຍກົງ ຕາມແນວທາງນະໂຍບາຍຂອງລັດຖະບານ, ແລະນອກຈາກວຽກງານສຳຄັນຕ່າງໆແລ້ວ ໃນປັດຈຸບັນ ອົງການປະກັນສັງຄົມແຫ່ງຊາດ ຍັງພວມເລັ່ງໃສ່ໃນການພິຈາລະນາອຸດໜູນວ່າງງານສະເພາະ (ໂຄວິດ-19) ສຳລັບຜູ້ອອກແຮງງານໃນຫົວໜ່ວຍທຸລະກິດທີ່ໄດ້ຖືກຢຸດຈ່າຍເງິນເດືອນຍ້ອນຜົນກະທົບໃນໄລຍະການແຜ່ລະບາດຂອງເຊື້ອພະຍາດໂຄວິດ-19 ໃນເດືອນພຶດສະພາ 2020 ເປັນຕົ້ນມາ ອີງຕາມຄຳແນະນຳສະບັບເລກທີ 1302/ອປຊ ກ່ຽວກັບການປະຕິບັດນະໂຍບາຍດ້ານປະກັນສັງຄົມເພື່ອແກ້ໄຂຜົນກະທົບໃນໄລຍະການແຜ່ລະບາດຂອງເຊື້ອພະຍາດໂຄວິດ-19. ພາຍໃນກອງປະຊຸມ ໄດ້ຮັບຟັງການເຜີຍແຜ່ສິດຜົນປະໂຫຍດປະກັນສັງຄົມໂດຍທ່ານ ນາງ ຄຸດທະວັນ ອັກຄະຣາດ ຮອງຫົວໜ້າພະແນກໂຄສະນາ-ປະຊາສຳພັນ ຂອງ ອປຊ ໂດຍໄດ້ບັນຍາຍລົງເລິກການຄິດໄລ່ໃນແຕ່ລະປະເພດການອຸດໜູນ ພ້ອມທັງເປີດໂອກາດໃຫ້ແຂກເຂົ້າຮ່ວມແລກປ່ຽນຖາມ-ຕອບຢ່າງກົງໄປກົງມາ ໂດຍສະເພາະແມ່ນການພິຈາລະນາອຸດໜູນວ່າງງານສະເພາະໂຄວິດ-19 ແລະສະເໜີປັບປຸງລະບົບການໃຫ້ບໍລິການປິ່ນປົວຂອງໂຮງໝໍໃຫ້ດີຂື້ນເທື່ອລະກ້າວ.
ໃນໂອກາດດັ່ງກ່າວ ທ່ານ ບຸນຍອດ ຈັນທະວອນ ຮອງຫົວໜ້າອົງການປະກັນສັງຄົມແຫ່ງຊາດ ຍັງໄດ້ກ່າວຕື່ມອີກວ່າ: ຕໍ່ກັບທ່າອ່ຽງການລະບາດໂຄວິດ-19 ທີ່ຍັງມີລັກສະນະຈະແກ່ຍາວ ແລະ ສົ່ງຜົນກະທົບຕໍ່ຂົງເຂດທຸລະກິດ ໂດຍສະເພາະກຸ່ມຕັດຫຍິບ, ສະນັ້ນ ກະຊວງ ຮສສ ກໍ່ຄືລັດຖະບານຈຶ່ງພະຍາຍາມລະດົມການຊ່ວຍເຫລືອເພື່ອແບ່ງເບົາພາລະແບກຫາບນັ້ນ ຊຶ່ງຫລ້າສຸດແມ່ນໄດ້ມີໂຄງການຂອງລັດຖະບານຂອງປະເທດເຢຍລະມັນ ໂດຍໄດ້ແຈ້ງເຈດຈຳນົງທີ່ຈະຊ່ວຍປະກັນສັງຄົມໂດຍຜ່ານອົງການແຮງງານສາກົນ ໃນການສະໜອງອຸດໜູນວ່າງງານໃຫ້ແກ່ເປົ້າໝາຍຜູ້ອອກແຮງງານໃນໂຮງງານຕັດຫຍິບທີ່ໄດ້ຮັບຜົນກະທົບຈາກໂຄວິດ-19 ນຳອີກ.

ພາບ-ຂ່າວ: ພະແນກໂຄສະນາ-ປະຊາສໍາພັນ




div#mb_center,div#mb_bottom{ z - index: 9999; } div#mb_overlay{ z - index: 9999; }