ໃນວັນທີ 16/03/2022 ປະກັນສັງຄົມຂັ້ນສູນກາງ ຮ່ວມກັບ ຫ້ອງການປະກັນສັງຄົມ ແຂວງຊຽງຂວາງ ສົມທົບກັບ ຫ້ອງການກະສິກໍາເມືອງພູກູດ ໄດ້ຈັດກອງປະຊຸມຊຸກຍູ້ ຜູ້ປະກອບອາຊີບສ່ວນບຸກຄົນ ໃນຂົງເຂດການປູກຝັງ ແລະ ລ້ຽງສັດ ໃຫ້ເຂົ້າສູ່ລະບົບປະກັນສັງຄົມ ທີ່ ຫ້ອງວ່າການປົກຄອງເມືອງພູກູດ, ໂດຍການເປັນປະທານຮ່ວມຂອງທ່ານ ສຸລິສາ ຈັນທະປັນຍາ ກຳມະການພັກເມືອງຮອງເຈົ້າເມືອງ ເມືອງພູກູດ ແລະ ທ່ານ ເພັດສະໝອນ ສຸກທະວີພອນ ຮອງຫົວໜ່້າອົງການປະກັນສັງຄົມແຫ່ງຊາດ, ມີຜູ້ຕາງໜ້າຂອງຫ້ອງການກະສິກຳເມືອງ, ຄະນະບ້ານ ພ້ອມດ້ວຍແຂກຖືກເຊີນເຂົ້າຮ່ວມທັງໝົດ 47 ທ່ານ, ຍິງ 32 ທ່ານ.